________________
યોગવિવેકદ્વાચિંશિકા/પ્રસ્તાવના
નાદુરસ્ત રહેતી તબિયતમાં પણ પરમાત્માની કૃપા, ગુરુકૃપા, શાસ્ત્રકૃપા અને ગ્રંથકારની કૃપાથી ગ્રંથના શબ્દશઃ વિવેચનની સંકલનાનો આ પ્રયાસ યથાશક્તિ સફળ થયો છે. ગ્રંથના વિવરણમાં કે સંકલન-સંપાદન-સંશોધનાદિ કાર્યમાં સર્વજ્ઞકથિત પદાર્થોનું ક્યાંય અવમૂલ્યન ન થઈ જાય તે માટે પૂરો પ્રયત્ન કરેલ હોવા છતાં છબસ્થતાને કારણે કોઈ ત્રુટિ રહી હોય કે તરણતારણ શ્રી જિનેશ્વરદેવોની આજ્ઞાવિરુદ્ધ કે ગ્રંથકારશ્રીના આશયવિરુદ્ધ અનાભોગથી ક્યાંય પદાર્થનું નિરૂપણ થયેલ હોય તો ત્રિવિધ ત્રિવિધ “મિચ્છા મિ દુક્કડ” માંગું છું અને શ્રુતવિવેકીજનો તેનું પરિમાર્જન કરે એમ ઈચ્છું છું.
પ્રાંતે સ્વઅધ્યાત્માદિ યોગોની પ્રાપ્તિ માટે કરાયેલ આ પ્રયાસ સ્વ-પર ઉપકારક બને અને ઈચ્છાયોગ, શાસ્ત્રયોગ અને સામર્થ્યયોગની પ્રાપ્તિ થાય તેવું ચૈત્યવંદનાદિવિષયક અનુષ્ઠાનનું સેવન થાય, તાત્વિક, સાનુબંધ અને અનાશ્રવ યોગની પ્રાપ્તિ થાય, શાસ્ત્રસાપેક્ષ યોગની અધિકારિતાની પ્રાપ્તિ થાય અને આ રીતે યોગના વિવેકના વિજ્ઞાનથી મને અને યોગમાર્ગની પ્રાપ્તિના ઈચ્છક સર્વ સાધકયોગીને યોગમાર્ગનો પક્ષપાત વધે અને યોગમાર્ગનો વિશદ બોધ થવાને કારણે યોગમાર્ગમાં પ્રવૃત્તિ કરવામાં પ્રતિબંધક ક્લિષ્ટકર્મોનો નાશ થાય અને યોગમાર્ગમાં પ્રતિબંધક એવા ક્લિષ્ટકર્મોનો નાશ થવાથી સ્વશક્તિ અનુસાર ઉત્તરોત્તર અધિક અધિક યોગમાર્ગને પામીને પરમાનંદની=મોક્ષસુખની, પ્રાપ્તિ થાય એ જ શુભ અભ્યર્થના.
– જીજ્યાધામનું સર્વગીવાનામ' -
મહા વદ-૬, વિ. સં. ૨૦૧૨, તા. ૧૯-૨-૨૦૦૬ એફ-૨, જેઠાભાઈ પાર્ક, નારાયણનગર રોડ, પાલડી, અમદાવાદ-૭.
વ્યાખ્યાનવાચસ્પતિ પ.પૂ.આ. શ્રી રામચંદ્રસૂરીશ્વરજી મહારાજાના સામ્રાજ્યવર્તી ગચ્છાધિપતિ પ.પૂ. હેમભૂષણસૂરિ મહારાજના આજ્ઞાવર્તિની તથા પ.પૂ. સમતામૂર્તિ પ્રવર્તિની સા. રોહિતાશ્રીજી મહારાજના શિષ્યા સા. ચંદનબાલાશ્રી
Jain Education International
For Private & Personal Use Only
www.jainelibrary.org
