Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
I
एवंविहववहारो, हीणकुलेसु वि न दीसए कहवि । तिहुयणसलाहणिज्जे, तुम्ह कुले होइ चुज्जमिणं एवंविहं च नियसामिणो वि, दठ्ठे पराभवं पुत्त ! । अण्णं काउमसक्का, दुक्खं रुण्णेण अवणेमि एवं सोच्चा विम्हइय-माणसो सो सुकोसलो राजा । पिउणो वन्दणहेडं, नीहरिओ झत्ति नयराओ अण्णण्णकाणणेसुं, पलोयमाणेण निउणदिट्ठीए । दिट्ठो य तेण तरुणो, ट्ठट्ठिओ कित्तिधरसाहू ताहे सुकोसलो परम-हरिसवसनिस्सरंतरोमंचो । अच्चन्तभत्तिसारं, पडिओ साहुस्स चलणेसु भणिउमिमं च पयत्तो, भयवं ! गेहम्मि हुयवहपलित्ते । पिउणो नियपियपुत्ते, विमोत्तु किं जुज्जए गमणं अणवरयजम्ममरणग्गि-पउरजालाकलावदज्झन्ते । जं लोए इह मोत्तुं, ममं तुमं ताय ! पव्वइओ अज्जवि कुणसु पसायं, दिक्खाहत्थावलंबदाणेण । भीमभवकूवकुहरम्मि, निवडमाणस्स मे ताय ! अच्चन्तनिच्छयं पिच्छि-ऊण परमं च भवविरागित्तं । दिण्णा से पव्वज्जा, कित्तिधरेणं मुणिवरेण सहदेवी पुण नाउं, सुकोसल दिक्खियं अइदुहट्टा । मरिऊणं मोग्गिल्ले, गिरिम्मि वग्घी समुप्पण्णा पुणदवि मुणिवरा, तवनिरया संजमम्मि उज्जुत्ता । दुस्सहमहापरीसह रिउसंगरविजयजयपयडा अप्पडिबद्धविहार, विहरन्ता तम्मि चेव गिरिपवरे । संपत्ता अह जाओ, वरिसायालो तर्हि तेसिं तो गिरिगुहा मज्झे, सज्झायज्झाणझोसियसरीरा । चाउम्मासं वसिउं, निस्सरिया सरयकालम्मि अह सा वग्घी अच्चन्त-पुव्ववेरेण जायपरिकोवा । ते गच्छन्ते पिच्छिय, अभिमुहमभिधाविया सहसा मुणिणो वि अखुद्धमणा, तं इंति पासिउं महासत्ता । अव्वो तिव्वुवसग्गो, उवट्ठिओ सावयकओ काउं पच्चक्खाणं, सागारमदीणवित्तिणो धीरा । अवलंबियबाहुलया, नासग्गसंगिदिट्ठिया मेरु व्व निप्पकंपा, काउस्सग्गे ठिया य चिट्ठन्ति । जा ताव अवक्खंद, दाऊण सुकोसलो तीए वग्घीए सिग्घमवणीए, पाडिओ भक्खिउं समारद्धो । सम्ममहियासमाणो, भावेइ इमं च स महप्पा सारीरमाणसेहिं, दुक्खेहिं अभिद्दुयम्मि संसारे। सुलहमिणं जीवाणं, जं किर दुक्खेहिं सह जोगो कहमण्णहेह खंदग-मुणिनाहो पंचसाहुसयसहिओ । अच्चंतं जन्तपीडण - पीडाए मरणमणुपत्तो कह वा उस्सग्गगयस्स, चत्तदण्डस्स दंडसाहुस्स। सीसं छिण्णं एमेव, जमुणरण्णा परुद्वेण ता एत्थ भवसमुद्दे, सुलहाउ चेव आवयाओ दढं । भव- सयदुहनिम्महणो, दुलहो पुण नवरि जिधम्मो सो पुण कहकहवि, मए चिन्तारयणं व कामधेणु व्व । कप्पदुमो व्व पत्तो, दुल्लहलंभो वि सुकयवसा इय एसो च्चिय सफलो, मज्झ अणायरणदोसपरिहीणो । सच्चरणगुणपहाणो, जम्मोऽणाइम्मि संसारे केवलमेक्कमिमं चिय, चित्तं परितवइ जमहमेयाए। वग्घीए कम्मबन्धस्स, कारणत्तेण उ र्वयेमि एत्तो च्चिय ते नमिमो, जे मुणिणोऽणुत्तरं गया मोक्खं। जम्हा ते जीवाणं न कारणं कम्मबंधस्स सोएमि न अप्पाणं, एयं सोएमि कम्मपरतन्तं । जिणवयणबाहिरमई, दुक्खसमुद्दम्मि निवडन्तिं इय चिन्तयरस्स य से, सरीरकम्ममलतब्भवाऊहिं । समगं पिव तं समसीसि - गाए सहस च्चिय ही तो उत्तरोत्तपवड्ढ-माणज्झाणानलेण दड्ढम्मि । सयलम्मि वि कम्मवणे, अन्तगडो केवली होउं समएण गतो सिद्धि, रायरिसिसुकोसलो महासत्तो । किं वा सुप्पणिहाणेक्क- बद्धलक्खाण दुस्सझं गाढाउरत्तसंपण्ण - साहुगिहिगोयरा समक्खाया । संखेवेणं आरा-हणा इमा कम्मनिम्महणी वित्थरओ पुण आरा-हणाए सुसिलिट्ठवरपुरीए व्व । चत्तारि चेव मूल- द्दारा भवन्ति एयाई परिकम्मविही १ परगण-संकमणं २ तह ममत्तउच्छेओ ३ । तत्तो समाहिलाहो ४, जहक्कमेणं जहत्थाई इय पत्थुयत्थवित्थर- पत्थावणकरणपढमठाणाणि । एयाइं चत्तारि वि, मूलद्दाराई भण्णंति एएसु य चउसु वि अरिह-लिंगसिक्खाइं नामधेयाइं । पडिदाराई पण्णरस, दस नव नव हुंतऽणुक्कमसो १. वयेमि - व्रजामि,
૨૧
॥ ६७८ ॥
॥ ६७९ ॥
॥ ६८० ॥
॥ ६८१ ॥
॥ ६८२ ॥ ॥ ६८३ ॥
॥ ६८४ ॥ ।। ६८५ ॥
॥ ६८६ ॥
॥ ६८७ ॥
॥ ६८८ ॥
॥ ६८९ ॥
॥ ६९० ॥
॥ ६९१ ॥
॥ ६९२ ॥
॥ ६९३ ॥
॥ ६९४ ॥
॥ ६९५ ॥
॥ ६९६ ॥ ॥ ६९७ ॥
॥ ६९८ ॥
॥ ६९९ ॥
॥ ७०० ॥
॥ ७०१ ॥ ॥ ७०२ ॥
॥ ७०३ ॥
॥ ७०४ ॥ ।। ७०५ ।। ।। ७०६ ॥
॥ ७०७ ॥
॥ ७०८ ॥
॥ ७०९ ॥
॥ ७१० ॥
॥ ७११ ॥
॥ ७१२ ॥
Page Navigation
1 ... 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 ... 378