Hirde me Prabhu Aap

Author(s): Jayant Modh
Publisher: Shrimad Rajchandra Sadhna Kendra Koba

Page 63

અને શર્મિષ્ટાબહેનના મહાન અંતરંગ ગુણો (શક્તિ) પ્રત્યે મનોમન નમન કરતો રહ્યો.’
યુરોપનો આ પ્રવાસ ક્રમશઃ પૂરો થયો. નેપલ્સમાં Shipping Agentને ગાડી સોંપીને સૌ રોમ આવ્યાં અને ત્યાંથી વિમાનમાર્ગે તા. ૨૯-૬-૧૯૬૬ના રોજ મુંબઈ પહોંચ્યાં.
મુકુન્દને ચાર વર્ષ અને નવ મહિનાના, એકધારા આ શૈક્ષણિક વિદેશ નિવાસ પછી ભારત પાછા ફરતાં એક નવીન, આનંદદાયક એવા આશ્ચર્યજનક માતૃભૂમિના સ્પર્શનો અનુભવ થયો, જાણે કે કોઈ જુદી જ પવિત્ર ભૂમિમાં પ્રવેશ કર્યો હોય એમ જણાયું. બન્ને પક્ષનાં ૫૦-૬૦ સગાંઓ અમદાવાદ સ્ટેશને ભાવભીનો આવકાર આપવા આવી પહોંચ્યાં હતાં. ૫૭ મહિનાના લાંબા ગાળા પછી કેટલાંક નજીકનાં સગાંઓને (ખાસ કરીને Growing વયવાળા સભ્યોને) પહેલી નજરે ઓળખવામાં પણ મુશ્કેલી પડી હતી.
47