Book Title: Sambodh Prakaranam
Author(s): Haribhadrasuri,
Publisher: Jain Granth Prakashak Sabha
View full book text
________________
संबोध ॥५॥
जम्हा पुव्वं पच्छा सुहथिरजोगाणुकूलिणी भणिया । जह साहूणमहिंसा न जाइ आयारगोयरए ॥१२१॥ मिहवावारविवज्जण-गुणाओ सम्वत्थ मित्तिभावाओ । सम्मद्दिष्ठिाणे एसा वि'हु भावपूयत्ति ॥१२२॥ तम्हा न हिंसभावो कयावि हुज्जा जिणिदपूयम्मि । अज्झप्पजोगजुत्ता पूया सव्वत्थ जयकरणी ॥१२३॥ अविरयसम्मद्दिठ्ठीण पढम सम्मत्तमूलपढमपया । पुरओ सव्वगुणाण ठाणेसु जहारिहा किरिया ॥१२४॥ जत्थ य जा दवकिरिया अग्गग्गंमिहु तहा तहा दिठ्ठा । भावत्ययस्स सव्वत्थ परमपवित्ती तहा दिठ्ठा ॥१२५॥ सालंबणझाणाओ झाणमणालंबणं हविज्ज सया। किं बहुणा भणिएणं सासयसुहकारिणी पूया ॥१२६॥ तित्थयरो तिल्थयर-तणेण जो सद्दहिज्ज सद्धाए । निस्केवा खलु चउरो एगत्तेणेव विष्णेया ॥१२७॥ आसायणपरिहारो आणाराहणममूढभत्तीए। जिणदव्वपरिच्चाओ जेण कओ सो परमभव्बो ॥ १२८॥ झाणरस य मेयकए निस्केवा जत्थ जत्थ निदिठ्ठा । ते ते पसाहियव्वा विसुद्धसम्मत्तजुत्तेहि ॥१२९॥ पूयाए सत्तविहा सोही बोहिजणाण कायव्वा । धणवत्थखेत्तमणवय-कायापूओवगरणाणं ॥१३०॥ अण्णायदुगंछोछमूलहराणज्जवित्तिहरमलिणं । दवाइ विवज्जणेहिं सुद्धं सत्तीइ धणमिट्ठ ॥१३१॥ वत्थं चउहा तयफल-विगलपणिदिइलोमसंभूयं । अह तइयं च चउत्थं जिणभत्तीए न कायव्वं ॥१३२॥ मुहपुत्तियपडपुत्तिय कज्जे कइयावि तं न कायव्वं । बीयं सेयं मसिणं दुस्सं खोमाइ बहुमेयं ॥१३३॥ नण्णं कियभावाइसुद्ध मुद्धं सहावओ धवलं । जिणभत्तीइ निमित्तं कायव्वं सव्वहा नूणं ॥१३४॥
Jain Education International
For Private & Personal use only
www.jainelibrary.org
Page Navigation
1 ... 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 ... 130