Sambodh Prakaranam

Author(s): Haribhadrasuri,
Publisher: Jain Granth Prakashak Sabha

Page 112

संबोध ॥५५॥
आलोयणा वि दुविहा कयवयकम्मा अकिच्चवयकम्मा । इक्किक्का वि य दुविहा सद्धासत्तीविमेएहिं ॥३५॥ नाएहि अनाएहि दुहावि तिविहा हवंति इक्विका । उक्किठजहन्नमझिम-मेएहिं सावि चऊरूवा ॥३६॥ आउट्टिपमायदप्प-कप्पभेएहिं सावि दुगभेया । उस्सग्गववाएहिं सावि पुणो होइ चउरूवा ॥३७॥ दवओ खित्तओ कालं भावं पुरिसे पडच्च णेयव्वं । पच्छित्तं नाऊणं कायव्वं भावसुद्धीए ॥३८॥ तिविहेणं करणजोएण सततपरतंतहेऊ नाऊण । ववहारपणगपुव्वं जहक्कम कप्पभासाए॥३९॥ जारिसयं जं तित्थं मूलुत्तरगुणगणस्स सुद्धीए । सवे देसे चउभंगीगमणेण सया पयट्टव्वं ॥४०॥ पाणिवहमुसावायादत्तअबंभप्परिग्गहनिसाइं । उक्किठ्ठजहन्नमझिम-दव्वाइ चउविहाऽविरई ॥४१॥ एवं दुवालसविहा इक्किक्का अविरईओ बिसयरी । मूलगुणे छठाणा सव्वं मि पडिसेवणा चउहा ॥४२॥ देसमी उत्तरगुणे सत्तण्हं हुंति चुलसीभेयाणं । जईण पुण चरणकरणे नायव्वं आसयगुणेहिं ॥४३॥ तत्थ ववहारपणगं नाऊणं दिज्जए जहाजुग्गं । पुरिसाणं चउकणं छकण्णगं होइ इत्थीणं ॥४४॥ सावि हु पवयणभत्ता पवित्तिणी वा हविज्ज तत्तुल्ला । गुरुपरकागुणकरी जा दरकाऽतुच्छासया इत्थी ॥४५॥ अपरिस्सावी धीरो दढसंघयणी निरासवो हियओ। पवयणसुत्तत्थोभयविण्णू वुढो गुरू भणिओ ॥४६॥ विहियप्पकयालोय-लोयणो सोहणगुणजुत्तो । खतो दंतो संतो णासंसी गाहणाकुसलो ॥४७॥ आलोयणपडिक्कमणमीसविवेगे तहा विउस्सग्गे । तवच्छेयमूलअणव-कृया य पारंचियं चेव ॥४८॥ आलोइज्जइ गुरुणो पुरओ कज्जेण हत्थसयगमणे । संमिइपमुहाण मिच्छा-करणे कीरइ पडिक्कमणं ॥४९॥ सद्दाइएसु रागाइवियरणं साहिओ गुरूण पुरो। दिज्जइ मिच्छादुक्कड-मेयं मीसंति पच्छित्तं ॥५०॥