________________ ઉલ્લેખ કર્યો છે. તેનાથી તત્ત્વના અજાણ લોકો મુંઝવણમાં મૂકાય તેમ છે. તેથી તેની પણ સમીક્ષા આ પુસ્તકમાં કરવામાં આવી છે. અમારા આ પુસ્તકમાં લેખકશ્રીએ જે જે વિષયો ઉપસ્થિત કર્યા છે, તેનો શાસ્ત્રાધારે જવાબ આપવામાં આપ્યો છે અને આનુષંગિકપણે મિથ્યાત્વ-સમ્યકત્વનું સ્વરૂપ, તેના પ્રકારો, મિથ્યાત્વ અને તેના કવિપાકો અંગે ગ્રંથકારોના અભિપ્રાયો, ગુરુતત્ત્વવિનિશ્ચય આદિ ગ્રંથોના પાઠો અંગે વિચારણા અને પૂ.હરિભદ્રસૂરિજી મહારાજાના નામે ચાલતા અપપ્રચારોની સમાલોચના કરવામાં આવી છે. તિથિ અંગેના શાસ્ત્રાપાઠો (અર્થ સહિત), લવાદીચર્ચાનો સાર, તિથિ અંગે મહાપુરુષોનો અભિપ્રાય અને સુવિહિત પરંપરાનું સ્વરૂપ - આ ચાર મુદ્દાને અમારા અન્ય બે પુસ્તકોમાં [‘તિથિ અંગે સત્ય અને કુતર્કોની સમાલોચના અને તિથિનિર્ણય સિદ્ધાંત કે સામાચારી' - આ બે પુસ્તકમાં] સંગૃહિત કરેલ છે. અમને વિવાદમાં કોઈ રસ નથી. કોઈનું અહિત કરવાનું અમારા સંસ્કારમાં નથી અને કોઈને ખોટી રીતે ખુલ્લા પાડી માનભંગ કરવાની અમારી વૃત્તિ નથી. પરંતુ એકસરખા ગોબેલ્સ અપપ્રચારના કારણે શાસ્ત્રીય સત્ય મરી ન જાય અને આત્માર્થી જીવો ગેરમાર્ગે ન દોરવાય, એ માટે ન છૂટકે (બે વર્ષની રાહ જોયા બાદ) આ પુસ્તકમાં ખુલાસા કરવાની ફરજ પડી છે. બાકીની વિગતો “આમુખમાં આપવામાં આવી - પરમોપકારી પૂ.ગુરુદેવ અને પૂ.ગુરુજીની મહતી કૃપા મારા દરેક કાર્યમાં નિરંતર પ્રવર્તે છે. - સ્વર્ગસ્થ પૂજ્યપાદ ગચ્છનાયકશ્રીજીઓની દિવ્યકૃપાથી ગહન એવું આ કાર્ય નિર્વિઘ્ન સંપન્ન થયું છે.
