Upmiti Kathoddhar

Author(s): Munichandrasuri
Publisher: Omkar Gyanmandir Surat

Page 44

27 उपमितिभवप्रपंचाकथोद्धारे- अधिकार -1 कुटुम्बं मूलतोऽपि हत्वा निघृणं कर्म कुरुते तस्य प्रथमं कुटुम्बं प्रबलीभूय सकलार्थं साधयति।" इत्याद्याकर्ण्य पुनर्नृपेण पृष्टं- "स्वामिन्! एतदुपायं निरुपय / " केवल्याह"प्रथमस्तृतीयमनित्यं कुटुम्बं परिहत्य पश्चात् द्वितीयकुटुम्बं शनैः शनैर्दूरीकृत्य प्रथमकुटुम्बं प्रबलीक्रियते / " इत्यादि-तदुपायं श्रुत्वा संसारस्वरूपमसारं परिभाव्य धर्ममार्ग च सुरेन्द्रादिपदेभ्योऽपि दुःष्पापं मत्वा श्रीधरकुमारं राज्येऽभिषिच्य विमलमत्यादिबहुपुरुषैः सार्द्ध अरिदमननृपो दीक्षामाददे / / __ अथ नृपदीक्षावसरे ये केचिद् गुरुकर्माणोऽधमा विषयलम्पटा हीनसत्त्वास्ते तु नृपो बलात्कारेण संयमं ग्राहयिष्यतीति भिया कान्दिशीका: पलायिताः, केचिच्चाऽवाङ्मुखीभूय स्थिताः / अहं तु दीक्षावसरे नृपेण बन्धनात् मोचितः / / . संसारिजीवस्य भ्रमणम् अथ पुनरपि देशनां दत्त्वा राजर्षिप्रमुखमुनिगणवृतो विवेककेवली अन्यत्र विजहार, सभालोकाश्च सर्वे स्वस्वस्थानं जग्मुः / हे अगृहीतसङ्केते ! संसारिजीवो वक्ति- तदा मयैवं चिन्तितं- यदयं मम निन्दाकारकः केवली दूरगतस्तद्भव्यं जातमिति, न च वैराग्यलेशः समुत्पादि / अथ ततोऽहं चलितः कियन्तीं भुवं यावद् गतः तावद्-विजयपुरेशशिखरिनृपपुत्रो धराधराभिधो मादृशो हिंसा-वैश्वानरदोषात् पित्रा बहिष्कृतो मम मिलितः, मया मार्ग पृष्टोऽप्यसौ वैश्वानर-पारवश्यात् न किञ्चिदवोचद् ततः कोपारुणेन मया कटिप्रदेशाच्छुरी समाकृष्टा, ततस्तेनाऽपि करालखड्गो निष्कासितः, एवमन्योऽन्यप्रहाराभिहतौ द्वावपि मृत्वा षष्ठं नरकं गतौ, ततश्चोवृत्तौ तिर्यञ्चौ पुनर्नारको इत्थं चाऽनेकभवान् यावत् परस्परं युध्यतोर्व्यतीतो भूयान् कालः / अथ पुनर्मुत्वा भवितव्यतया तथाविध-कर्मरूपगुटिका-प्रदानेन नव-नवरूपः कृत्वा असंव्यवहारपुर मुक्ताऽन्यत्र एकेन्द्रियादिसर्वेषु स्थानेषु अनन्तं कालं यावत् भ्रमणं कारितः। एवं अनन्तकालावधि कष्टानुभवनेन हृष्टया भवितव्यतया एकदाऽहं मनुष्य-गतिपुर्यां आभीरकुलेऽवतारितस्तत्र भद्रकत्वादिभिर्मध्यमगुणानुपार्जयित्वा प्रोक्तं तया- हे आर्यपुत्र! त्वया बहुकष्टान्यनुभूतानि, ततोऽधुना इमं पुण्योदयं सहचरं गृहीत्वा याहि मनुष्यगतिपुरं, अहमपि तदङ्गीकृत्य पुण्योदयं सहायीकृत्य प्रस्थितः / ___ इत्थं भव्याः ! स्पर्शन-हिंसा-क्रोधोद्भवं फलं वीक्ष्य प्रयतध्वं तद्विजये, यतो लभेध्वं सदा सौख्यम् इति श्री उपमितिभवप्रपञ्चा-कथोद्धारे स्पर्शन-हिंसा-वैश्वानर-फलप्रदर्शनाख्यः प्रथमोऽधिकारः // श्री //