Upmiti Kathoddhar

Author(s): Munichandrasuri
Publisher: Omkar Gyanmandir Surat

Page 97

80 श्री हंसविजयविरचिते वित्तव्ययभयात् मैथुनसङ्गं मां निषेधयति, तथापि तत्स्नेह-परवशोऽहं स्वल्प-द्रविणदानेन बालरण्डा-भिक्षुकी-प्रोषितभर्तुकाद्याः स्त्रीर्भजामि / इत्थमकार्यं कुर्वन् लोके लघुतास्पदं जातस्तथापि हरिकुमारबलेन न कोऽपि मां पराभवति / ___अथ समस्तजनपद-प्रख्यात-पराक्रमं महौजसं हरिकुमारं विलोक्याऽन्यदा नीलकण्ठनृपश्चिन्तयाञ्चकार-यदहो! वशीकृतसर्वपौर: प्रवृद्धप्रतापोऽयं हरिकुमारो मामपुत्रं हत्वा मा ग्रहीत् स्वयं राज्यमिति / ततः सुबुद्धिमन्त्रिणं रहस्याकार्य स्वभावमावेद्य यथाकथञ्चित् मारितव्योऽयमित्यादिदेश / अथ मन्त्री आज्ञा-पारवश्यात् तन्नृपवचस्तथाऽस्त्विति प्रतिश्रुत्य गृहमभ्येत्य व्यमृशत् 'अहो ! धिगस्तु राज्यलोभं, यदयं नृपः स्वपालितं पुत्रप्रायं भागिनेयं कृतजामातरं च हरिकुमारमपि निरागसं जिघांसति, महदसमञ्जसमेतत्। यद्यपि लोभान्धो नृपोऽनर्थं न पश्यति तथापि मया रक्षणीयोऽयं कुमार इति ध्यात्वा रहसि नृपस्य दुष्टाशयं कुमाराय न्यवेदयत् / ततो निर्यामिकैः समं मन्त्रयित्वा कनक-रत्नादिभिः प्रवहणान्यापूर्य मयूरमञ्जरी वसुमती च गृहीत्वा कुमारः केनाऽप्यलक्षितो निशीथे पोतमारुह्य स्वदेशं प्रति चचाल / मित्रद्रोहफलं, समुद्रे पतनं, कुप्रवृत्तयः / अथ तदवसरे वाणिज्यलोभाद् गन्तुमनिच्छन्नपि अत्याग्रहात् कुमारणाहमाकारित एकं रत्नभृतप्रवहणमादाय कुमारेण सह प्रचलितः / पवनगतिपोतारूढा नानाकौतुकान् पश्यन्तो यावद् वयमर्द्धपथमागतास्तावत् सागर-मैथुनाभ्यां प्रेरितेन मया ध्यातं"अहो ! हरिकुमारस्यैषाऽपरिमिता समृद्धिः, इयं च साक्षात् पौलोमीव मयूरमञ्जरी प्रिया, ततो यद्येनं मारयामि तदा सर्वमप्येतत् मदायत्तं भवतीति कुधिया केनचिच्छलेन महासमुद्रे क्षिप्तो मया कुमारः, समुच्छलितः पोतमध्ये जनकोलाहलः तदैव च मामनर्थकारिणं मत्वा दूरं गतो मे पुण्योदयः, हरिकुमारस्तु स्वपुण्योदयमाहात्म्यात् समुद्रदेवतया गृहीत्वा पुनः पोतमध्ये मुक्तः अहं तु क्षीणपुण्योदयस्तयैवाऽतिकोपेन भृशं ताडयित्वा, क्षमस्वाऽपराधं क्षमस्वाऽपराधमिति हरिकुमारे वदत्येव क्षिप्तोऽहं समुद्रे / हरिकुमारोऽथ कुशलेन स्वल्पदिनैः पयोधि-पारं प्राप्तस्तत्र लोकवार्त्तया पितृमरणं श्रुत्वा, आनन्दपुरे गत्वा, स्वपितृसत्कं राज्यमलञ्चकार / मदीयं रत्नप्रवहणं तेन मत्-पितुर्दत्तं, अहं तु लोलकल्लोलैर्विक्षिप्यमाणो यादोभिर्भक्ष्यमाणो यातना-शतान्यनुभवन् भवितव्यतावशात् मृतप्रायः सप्तमेऽहनि पारावरपारं प्राप्तः / तत्र शीतलवायु-सम्पर्कात् सचेतनीभूतः क्षुत्तृड्-पीडित इतस्ततः पर्यटितुं लग्नस्ततः किञ्चिद् वनफलादि भक्षयित्वा शनैः शनैर्धमन्