Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
પ્રવચન પહેલું
ભાવી પેઢી વિકૃતિના સંકજામાં સપડાઈ ને ખલાસ થઈ જાય. આ ફક, આ ગભરાટ અને આ વ્યથા હૈયામાં ઉભરાઈ રહી છે, માટે જ આ વાતો તમારી સામે રજુ કરું છું.
૩૨
કબ્બડીની રમત જેવી દશા
આજે સમગ્ર દેશ કરવટ ખલી રહ્યો છે. સ્ત્રીઓ પોતાના રૂપ-સૌંદર્યનું પ્રદર્શન કરવા જાણે હોડ બકી રહી છે. યુવાનોના જીવનમાંથી દુરાચારની ગંધ આવી રહી છે. ક્યાંય શીલ અને પવિત્રતાની સુવાસ જાણે જોવામાં જ આવતી નથી. ચારે બાજુ સિનેમા; સિનેમાના પોસ્ટરો, ઍક્ટરો, ઍક્ટ્રેસો અને ટી. વી. નું સામ્રાજ્ય દેખાય છે. આ સ્થિતિમાંથી તમને બચાવવા જતાં—તમને ખેંચવા જતાં—અમે ક્યાંક તમારામાં ખેંચાઈ જઈ એ એવી નાજુક દશા આવી લાગી છે. આ કબ્બડીની રમત જેવું છે. હુતુતુતુતુતુ...કરતાં જાણે અમે તમને સંસારમાંથી ઊંચકી લેવા આવીએ ત્યાં હુતુતુતુતુતુ...કરતાં તમે જ અમારો ટાંટીઓ ખેંચી લો એવી ગંભીર દશા છે.
સંતોને નીલકા બનવું પડે છે
તમારી સમક્ષ અનેક એવી બાબતો મૂકવી પડે છે કે જેને માટે મુનિઓને આજના છાપા ય વાંચવા પડે. જેમાં ધણી વાર તો નકરું ઝેર ભરેલું હોય છે. આવા ઝેર પીને નીલકણ્ઠ જેવા બનવું પડે છે. કહેવાય છે કે સમુદ્રનું મંથન થયું ત્યારે અમૃત તો દેવો લઈ ગયા અને ઝેર લેવા કોઈ તૈયાર ન થયું. ત્યારે શંકરે એ ઝેર પી લીધું અને ગળામાં જ અટકાવીને તે નીલકણ બન્યા. કારણ પેટમાં ઊતારી જાય તો ય જોખમ હતું. અને બહાર રાખતાં જગતને માથે જોખમ હતું.
આ રીતે આજે સાચા ઉપદેશક સતોને જગના ઝેર પીને નીલકણ્ડ બનવું પડે છે. આવી પરિસ્થિતિ જોઈ ને આજે તો અનેક સાચા ઉપદેશકો પણ હતાશ થઈ જવા લાગ્યા છે. આમ છતાં હજી આર્યાવર્તનું પુણ્ય એટલું જાગૃત છે કે ગામેગામ અનેક મુનિભગવંતો વિચરે છે. અને સ્વકલ્યાણની મુખ્યતા સાથે પરકલ્યાણ હાંસલ કરી રહ્યા છે.
રામાયણ; અનેક દ્રષ્ટિએ ઉત્તમ
માટે જ, ભારતીય પ્રજાને જગાડવા આ મહાન ‘રામાયણ’ નામનો ગ્રન્થ તમારી સમક્ષ લાવ્યો છું. જૈન-અજૈન સહુને માફક આવે, સહુને જે ગ્રાહ્ય બને, સહુને જેમાંથી માર્ગાનુસારિતાના અને સંસ્કૃતિના આદર્શો ખ્યાલમાં આવે એ માટે આ રામાયણ ગ્રન્થ અનેક અપેક્ષાએ ઉત્તમ કોટિનો ગ્રંથ છે.
