Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
‘રામાયણમાં સંસ્કૃતિનો સંદેશ”
૧૦૩
આ બધા ચાઈનીઝ નામ છે. એ સાંભળી પેલા ભાઈ તો ઊંચું મો રાખીને જોઈ જ રહ્યા. એમણે કહી દીધું: “પીકો”
પેલા શેઠાણીએ વધુ પૂછ્યું : “ભાઈ! પીકોની પણ મારા ઘરમાં ત્રણ બાટલીઓ છે. રેંજ, બ્રોકન ઓરેજ અને ફલાવરીંગ રેજ. આપને માટે બ્લેક'માં પણ કઈ જાતની ચાહ બનાવું?”
પેલા ભાઈ ચાહના આ લાંબા પીંજણથી કંટાળી ગયા હતા. એટલે એમણે કહી દીધું : “બેન! તમારે જે બનાવવી હોય તે બનાવી દો.”
બેને કહ્યું: “સારું, હું “ઍરેંજ પીકો બ્લેક ચાયના ચાહ બનાવું છું. પણ આપ એ કહી દો કે આ ચાહ આપ લીંબુ સાથે લેશો, દૂધ સાથે લેશો કે ક્રીમ સાથે ?
- હવે પેલા ભાઈ ખરા કંટાળ્યા હતા. એમણે કહ્યું : “દૂધ સાથે.” પેલા બેને કહ્યું : “ભાઈ ! હવે આપને છેલ્લો એક જ પ્રશ્ન પૂછી લઉં કે આપ દૂધ ગાયનું લેશો. ભેંસનું લેશો કે બકરીનું લેશો?”
હવે તો પેલા ભાઈએવા કંટાળી ગયા હતા કે તેમણે સાફ શબ્દોમાં કહી દીધું: “બેન! હવે તમે ચાહ બનાવશો જ નહિ. માત્ર કૉફી જ બનાવી દો. અને એમાં કઈ જાત બનાવવી એ મહેરબાની કરીને મને પૂછતા નહિ.”
શ્રીમંતાઈના વૈભવોનું આ તે કેવું નફફટાઈભર્યું પ્રદર્શન છે? પાપ ઘટાડવા ધન અને જરૂરિયાત ઘટાડો
માણસે સુખી થવું હોય તો જરૂરિયાત કરતાં કદી આગળ જવું ન જ જોઈએ. જરૂરિયાત પૂરતી ચીજો રાખવા સિવાય વધારે પડતા વૈભવી સાધનો વસાવવાના લોભમાં પડવું ન જ જોઈએ. અને તો જ પાપો જીવનમાંથી ઘટતાં જશે.
જે પાટલા ઉપર બેસીને જમી શકાતું હોય તો ભોજન માટે ટેબલ–ખુરશી વસાવવાની શી જરૂરી છે?
બેસવા માટે ચટાઈથી જ કામ ચાલતું હોય તો સોફાસેટોની પણ શી જરૂર છે?
રહેવા માટે સદા મકાનથી જ ચાલતું હોય તો મોટા આલિશાન ફલેટો અને બંગલાઓની શી જરૂર છે?
પ્રાથમિક કક્ષાની માણસાઈની દૃષ્ટિએ પણ તમારી સંપત્તિ ઘટાડી નાખવી જરૂરી છે. વધુ પડતી સમ્પત્તિ જીવનને પાપી બનાવે છે. અને ગરીબોને ઈષ્ય ઉત્પન્ન કરાવે છે. જે પાપો ઘટાડવાં હોય તો ધન અને જરૂરિયાત ઘટાડવા જ જોઈએ.
