Ramayanma Sanskritino Sandesh Part 01

Author(s): Chandrashekharvijay, Bhanuchandravijay
Publisher: Kamal Prakashan Trust

Page 261

પૂજયપાદ મુનિરાજ શ્રીમદ્ ચન્દ્રશેખરવિજયજી મહારાજ સાહેબના મુંબઈશ્રીપાળનગર ખાતેના વર્તમાન ચાતુર્માસ દરમિયાન દર રવિવારે “રામાયણમાં સંસ્કૃતિના સન્દેશ” એ વિષય ઉપર બપોરે અઢીથી ચારના સમય સુધી યોજાયેલ જાહેર પ્રવચનોણીના નવમા પ્રવચનનું શ્રાવણ કરવા કાજે, દૂરસુદૂરના પરામાંથી દોડયા દોડયા આવતા હજારો યુવાનો –યુવતીઓ, પ્રૌઢો અને વૃદ્ધોથી ‘લેઝન્ટ પેલેસ'નું પટાંગણ ખીચોખીચ ભરાઈ ગયું હતું.
અગ્રસ્થાને જગ્યા મેળવી લેવાની આકાંક્ષાથી બપોરે બાર અને એક વાગ્યાથી આવીને બેસી જતા અનેકાનેક ભાગ્યશાળીઓની પૂજ્યશ્રીની પ્રવચન-વાણી સાંભળવાની તપશ્ચર્યાની લશ્રુતિરૂપે જ જાણે બરાબર અઢી વાગે પધારેલા પૂજ્યશ્રીએ નવમું પ્રવચન કરતાં, શ્રીરામના પૂર્વજોની વૈરાગ્ય રસથી ભરપૂર જીવન-કહાણીઓ, એમાં રાજકુમાર વજ્રબાહુના જીવનમાં મહાત્મા ગુણસાગરના અનુપ દર્શને સળગી ઊઠેલા વૈરાગ્યના દારૂગોળા અને એમાં સાળા ઉદયસુન્દરની મીઠી મશ્કરીનું વાસ્તવિકતામાં રૂપાન્તર, અંતે અનેક રાજકુમારોની અને તેના માતાપિતાની પ્રવ્રજ્યાપરિપ્રાપ્તિ, આર્યાવર્ત્તની પરમપાવન ધરણીમાં સર્વત્ર ગુંજારવ કરતા સાધુત્વના ઉચ્ચતમ આદર્શ, જીવનમાં ગમે ત્યારે, ગમે તે નિમિત્તે સંભવિત ‘ટર્નિંગ પોઈન્ટો’, વૈરાગ્યરસથી ઓળઘોળ આત્માની બદલાઈ જાતી જીવનપદ્ધતિ; મહાત્માઓના મૃતદેહ, ધૂમ કે ભસ્મના પણ દરિશણ માત્રમાં પાપ-વાસનાઓનું પ્રક્ષાલન કરવાની પરમપાવની પ્રચંડ તાકાત, સમગ્ર સંસારભરની કૂર્મશિલા સમી મહાત્માના ચારિત્ર્યવિશુદ્ધિના સૂક્ષ્મબળની સૃષ્ટિકલ્યાણકરી સચોટ શકિત, બાલ્યાવસ્થામાં જ ચારિત્ર્ય પ્રાપ્તિ કાજેના શાસ્ત્રીય વિધાનની સરસ અને સુતર્કપૂર્ણ સિદ્ધિ, સંસારની ભયંકરતા અંગે સચોટ તર્કત્રિપુટી – ઈચ્છાવિહાણા જન્મ, પાપભરેલા જીવન અને રિબાઈને પ્રાપ્ત થતાં મરણ, પુત્ર ગોપીચંદની ભાગવિલાસમાં ચકચૂરતાને કારણે ધ્રૂસકે રડતી અને અવસરે માર્મિક ટકોર દ્વારા સંન્યાસને માર્ગે મોકલી આપતી આર્યાવર્તની આદર્શ માતા, ધર્મકરણી કાજે અત્યાવશ્યક ત્વરિત વેગ અને અધર્મના કાર્યમાં સદા સુલપ્રદ બની રહેતા સુવિલમ્બ, રાષ્ટ્રના, પ્રજાના, સંસ્કૃતિના અને ધર્મશાસનના વફાદારોને માથે સદા ઝીંકાતી આઘાતો અને આફતાની ઝ ંઝાઝડી અને એવે ટાણેય સદા જાનફેસાની અને કુરબાની કેળવવાના આર્યાવર્તના આદર્શ પુરુષોની સચોટ સાક્ષાત્કૃતિ કરાવતા મહામંત્રી કલ્પકના હૃદયવિારક કરુણ-પ્રસંગ,વગેરે અનેક મુદ્દાઓની Marvellous રજૂઆત કરી હતી.
વધુમાં, મિત્ર સહકિરણની દીક્ષાને કારણે શ્રીરામના દાદા અનરણ્યના વૈરાગ્ય અને પ્રવ્રજ્યા, એક માસના દશરથના રાજ્યાભિષેક, નૈમિત્તક દ્વારા રાવણના મૃત્યુની ભવિષ્યવાણી, ભાતૃપ્રીતિથી ઉશ્કેરાયેલા વિભીષણનું દશરથ અને જનકની હત્યા માટે (અનુસંધાન ૨૮૫ મા પાને)