Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
રામાયણમાં સંસ્કૃતિને સંદેશ
૨૯૩
રાજસભામાં બનાવટ કરી અને જુઠ્ઠી જાહેરાત કરી કે, “પ્રતાપે મારી આણ સ્વીકારી લીધી છે. અને એવા પ્રકારનો એણે મને પત્ર મોકલ્યો છે.”
માનસિંહ વગેરે અનેક રજપૂતની દીકરીઓને અકબર પરણી ગયો હતો. આથી એના કારણે અનેક રજપૂતોએ અકબરની શરણાગતિ સ્વીકારી એની સભામાં નોકરી પણ સ્વીકારી લીધી હતી. અકબરે જે જાહેરાત કરી એ રાજસભામાં બેઠેલા અનેક રજપૂતોએ સાંભળી પરંતુ બધા રજપૂત દરબારીએ આ વાત અસંભવિત જણાવી અને તેને માની લેવાની સાફ ના પાડી દીધી. પૃથ્વીરાજને આઘાત અને પ્રતાપને પૃચ્છા
અકબરને ત્યાં પૃથ્વીરાજ નામનો એક વટલાયેલો રજપૂત પણ નોકરી કરતો હતો પરંતુ એનામાં પોતાના દેશનું અને જાતિનું જબરદસ્ત ગૌરવ હતું. આથી અકબરે પ્રતાપે શરણાગતિ સ્વીકાર્યાની જે વાત કરી, એ સાંભળીને એને ખૂબ આઘાત લાગી ગયો હતો. એને રાત્રે ઊંઘ પણ આવતી નથી. બીજે દિ એણે પ્રતાપને પત્ર લખીને જણાવ્યું કે, “મહારાણાજી! આપે શરણાગતિ સ્વીકાર્યાની રાજસભામાં અકબરે કરેલી જાહેરાત જો સાચી હોય, તો મારા અંતરાત્માને ભયંક્ર આઘાત લાગ્યો છે. અમે વટલાયા તો ભલે વટલાયા. પરન્તુ આપ પણ જે વટલાશો અને અકબરને નમી જશો તો હિન્દુ સંસ્કૃતિનો સૂર્ય આથમી જશે.” પ્રતાપને પ્રત્યુત્તર : “સિસોદીએ સિંહ પિંજરે નહિ પુરાણ
પ્રતાપે પ્રત્યુત્તર આપતાં જણાવ્યું કે, “આ વાત બિલકુલ બિનપાયાદાર અને હડહડતી જુહી છે. આ સિસોદીઓ સિંહ કદી અકબરના પિંજરે નહિ પુરાય. પ્રતાપ કદી શરણે નહિ જાય અને હિંદુ સંસ્કૃતિનો ધ્વજ સદા ફરકતો રાખશે જ.”
અને ખરેખર પ્રતાપે પોતાનું વચન મરતાં સુધી પાળ્યું. એકલે હાથે, અદ્ભુત પરાક્રમ સાથે, મોગલોની સામે પચીસ વર્ષ સુધી ઝઝૂમનાર આ પ્રતાપે મૃત્યુશધ્યા ઉપરથી પોતાના સાથીઓને પ્રતિજ્ઞા લેવડાવી કે “જ્યાં સુધી મોગલોનું શાસન નહિ ઉખડે ત્યાં સુધી અમે જમ્પીને બેસીશું નહિ. અને દેશના એ દુશ્મનો સાથે અમે સદા ઝઝૂમીશું.” ઈંડા-પ્રકરણ સામે પડકાર ફેંકવો જ રહ્યો
હું એ કહેવા માગું છું કે શુદ્ધિ સાથેના કોઈ પણ સંકલ્પને સિદ્ધિ તો મળે જ છે. આજે મુંબઈની પ્રજા કેવી ભયંકર પરિસ્થિતિમાં સપડાઈ છે! મુંબઈની અંદર મ્યુનિસિપાલિટીએ પોતાના હસ્તકની તમામ શાળામાં બાળકોને બાફ્લાં ઈંડા આપવાનું નક્કી કર્યું છે. આ કેવું ભયંકર માકરણ છે; આર્યાવર્તની સંસ્કૃતિ ઉપર! આખી અન્નાહારી આર્ય પ્રજાને માંસાહારના રસ્તે ઢસડી જવાનો આ કેવો ખતરનાક કાર્યક્રમ છે!
