Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________ આર્ય પ્રજાજનો ! સાવધાન ! દેશ [રાષ્ટ્રની ધરતી]ને આબાદ બનાવવાની ભયંકર ઘેલછાના કારણે ભારતના બુદ્ધિજીવી દિશી અંગ્રેજ લોકોએ પ્રજાના સાચા સુખ અને શાંતિની કબર ખોદી નાખી છે. પ્રજાને હિતકર એવી મોક્ષપ્રધાન ચાર પુરુષાર્થની સંસ્કૃતિના ગળે ટૂંપો દઈ દીધું છે. ધરતીના જ હિતને ખાતર ઘડાયેલું બંધારણ જે પ્રજાના હિતના લક્ષપૂર્વક હજી પણ નહિ સુધારાય તો આર્યાવર્તની મહા પ્રજાનું ભાવિ અતિ ભયાનક જણાય છે. પાશ્ચાત્ય પદ્ધતિના શિક્ષણે માનવને સ્વાર્થી અને નાસ્તિક બનાવ્યો છે. ઈશ્વરપ્રીતિ અને પાપભીતિના પાઠો ગળથૂથીમાં જ હજી પણ નહિં આપવામાં આવે તો કેટલાક સ્વાર્થી એવા શિક્ષિત અને બુદ્ધિજીવી માનવ દેશના ચાવીરૂપ સ્થાનો ઉપર ચડી જઈને સમગ્ર પ્રજાને ભ્રષ્ટાચાર, અનાચાર અને માંસાહારની અગન-જવાળાઓમાં હજી વધુ ધકેલી મૂકશે. દેશી અંગ્રેજોની સાંસ્કૃતિક મર્યાદાઓ પ્રત્યેની કારમી સૂગમાંથી ઉદ્ભવેલી સરકારી નીતિરીતિઓએ આર્યાવર્તનું સમગ્ર વાયુમડળ નિર્દોષ પશુઓની ચિચિયારીઓ અને ભદ્ર સમાજના લાખો યુવાનો અને યુવતીઓના અનાચારોની બદબૂથી ભરી દીધું છે ! કેટલાક અણઘડ માણસોના અખતરાઓ અને પ્રયોગોએ આખી પ્રજાને અન્ધાધૂંધી, અસ્વસ્થતા અને ચિંતાતુરતાની ધરતી ઉપર પટકી નાંખી છે. આર્યાવર્તની ખુમારીવતી પ્રજા ! બિચારી ! આજે પોતાના અસ્તિત્વનો જંગ ખેલી રહી છે! વ્યકિતત્વના નિર્માણની કથા તો જાણે હાસ્યાસ્પદ બની ચૂકી છે! જો આમ જ ચાલશે તો કદાચ સંભવ છે કે, ઈ. સ. ૨૦૫૦ની સાલ સુધીમાં હિંદુસ્તાન એક વિરાટ કબ્રસ્તાન બની જશે. ચેતો ! હજી પણ એ ભેદી યોજનાઓની ચાલબાજીમાં ફસાતા અટકો. ‘વિકાસ’ વગેરેના સુંવાળા આદર્શાવાળી યોજનાઓની રાખની નીચે ધરબાયેલા પ્રજાના સર્વનાશના જીવલેણ અંગારાઓને જોઈ લો. એ ધર્મમાતા ! હવે તો તારો જ તરફ સૌની મીટ મંડાયેલી છે! ઊગારશે તો તું જ ઊગારશે ! સિવાય કોઈ આરોવારો જણાતો નથી. સ્ટેટ્સ પીપલ પ્રેસ, ઘોઘા સ્ટ્રીટ, ફોર્ટ, મુંબઇ-૪૦૦ 001
