Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
૧૦૪
પ્રવચન ચોથું
ઓછું ધન + ઓછી જરૂરિયાત = ઓછા પાપ. આ એક “સમીકરણ” છે. તમે આ સમીકરણ ગોખી નાખો.
મરીન ડાઈવની એ શ્રીમંત સ્ત્રી પોતાને ઘેર આટઆટલી એક માત્ર ચાહની જાતો હોવાને કારણે મગજમાં રાઈ રાખીને ફરતી હતી.... ભોગ કેટલો વેર્યો છે? વાસનાઓ કેટલી ફેલાઈ છે, એનો આ એક નમૂનો છે. આ સમીકરણ અપનાવો
આ પ્રવચન સભામાં ઘણું શ્રીમંત માણસો આવે છે. આ વિશાળ ગેરેજની બહારના ભાગમાં મોટરોની જે કતાર લાગે છે તે ઉપરથી હું આ અનુમાન કરું છું. અને માટે જ મારે તમને કેટલીક કઠોર બાબતો પણ કહેવી પડે છે.
જે લોકોને ખાવાના ય ફાંફા છે એવા તદ્દન નીચલા સ્તરના લોકો અહીં બહુ જ ઓછા આવતા હશે. આથી જ શ્રીમંતાઈના કારણે ફેલાતા જતા પાપોની સામે ભારે ચીમકી આપવી પડે છે.
મુંબઈમાં રહેતા તમારા જેવા સુખી લોકો પણ જે ઉપર્યુક્ત સમીકરણ જીવનમાં અમલી બનાવી લે તો એનો પડઘો આખા ભારતમાં પડે. વર્તમાન જગતની ભયંકર દશા
આજે આખું હિન્દુસ્તાન લગભગ ભોગલક્ષી બનતું ચાલ્યું છે.
બેનો પોતાના કપડાં સાથે ક્યા પ્રકારની રીબીન સારી લાગે ? લાલ સાડીની સાથે કાળી રીબીનનું મેચિંગ સારું થાય વગેરે બાબતોની ચર્ચામાં જ મશગૂલ બની ગઈ નથી શું?
કેવા કપડાં સાથે કોનું કેવું મૅચિંગ થાય એના તો મૅગેઝિનો બહાર પડે છે.
યુવાનો પોતાના કપડાંની ફેશનમાં અને સિનેમાની જ વાતો કરવામાં એકાકાર બની ગયા હોય એવું નથી જણાતું શું?
પોતાના ફલેટોને શણગારવામાં હજારો રૂપિયાનો દુર્વ્યય કરવામાં નથી આવી રહ્યો શું?
| દર છ- છ મહિને ઑફિસને નવો ઓપ આપનારા શ્રીમંતો પણ આ દેશમાં નથી વસતા શું? સંપત્તિ મળી ગઈ એટલે બસ જાણે માણસ મહાન બની ગયો!! થોડું ઘણું ભણીને ડિગ્રી મેળવી લીધી એટલે બસ...એ દેવ થઈ ગયો !! ભોગપ્રધાન બનતું જતું જગત
લગભગ આખું જગત આજે ભોગપ્રધાન બનતું ચાલ્યું છે. આખો સમાજ જાણે ભ્રષ્ટતાના આરે આવી ઊભો રહ્યો હોય તેમ જણાય છે.
