Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
‘રામાયણમાં સંસ્કૃતિનો સન્ડેશ”
૧૫૧
ચઢી જાય છે. બે આંગળી કપાળે મૂકી મનની સાથે સમાધાન કરી લો એટલે તમેય થઈ ગયા મસ્તરામજી! તમારો આત્મા આનંદમાં મસ્ત!
વાલિ ઉપર ક્રોધે ધમધમતો રાવણ
રાવણ પોતાનું વિમાન અટકતાં આ સમાધાન કેળવી શક્યા નહિ. અને એથી જ ક્રોધે ભરાયા. દાંત કચચાવતા સમસમી ઉઠેલા રાવણ બોલ્યા : “હજી આ વાલિ મારી ઊપર ક્રોધ રાખે છે. હજી આ મારો છેડો છોડતો નથી ! હજી આ અભિમાનીનું અભિમાન ઓસર્યું નથી ! ! સાધુનો સ્વાંગ સજયો છે પણ મન તો એવું ને એવું જ નફફટ લાગે છે ! જગતને છેતરવા આ બધો દંભ કર્યો લાગે છે. નહિ તો અત્યારે મારા આ વિમાનને ખલિત કરવાનું એને શું પ્રયોજન હતું ? પૂર્વે ય આખા સૈન્ય વચ્ચે મારી ફજેતી કરીને, કોઈ માયાજાળ વડે મને ઉપાડીને ફેરવ્યો હતો. અને મચ્છરની જેમ મને ફેંકી દીધો હતો. અને “રાવણ બદલો વાળશે તો?” એવા ભયથી તત્કાળ દીક્ષા લઈ લીધી. કાંઈ વાંધો નહિ. હું એનો એ જ છું. સો વાતની એક વાત કે, ગઈ કાલ તારી હતી. પણ યાદ રાખ કે આજ મારી છે. ચન્દ્રહાસ ખણ સાથે મને ઉપાડીને જેમ ફેરવ્યો હતો તેમ આ પર્વત સહિત સહિત ઉખેડીને સમુદ્રમાં તને ફેંકી દઈને જ જંપીશ!
પહાડને ખળભળાવતો રાવણ
આવા અત્યન્ત આવેશ સાથે, રાવણે વિમાન નીચે ઉતાર્યું. અને મોટો ખાડો ખોદીને તે પર્વતની નીચે પડે. મદોત બનેલા રાવણે એક હજાર વિદ્યાઓનું સ્મરણ કર્યું. આખા પર્વતને પોતાના મસ્તક ઉપર લીધો. જોરથી હલાવવાનો પ્રયત્ન કર્યો. અને અગાધ બળોના સ્વામી રાજા રાવણે પહાડને ખળભળાવી મૂક્યો.
અને...ધબા...ધબાક...કરતી મોટી શિલાઓ ગબડવા લાગી. સમકથી જાણે રસાતળ પુરાવા લાગ્યું. સમુદ્રોમાં ક્ષોભ થયો. વનના હસ્તિઓ ક્ષુબ્ધ થયા. ગિરીનિતંબના ઉપવનોના વૃક્ષો ભાંગવા લાગ્યાં. પર્વત હાલે શી રીતે?
શું માત્ર માથું હલાવવાથી આખો પહાડ હાલી ઊઠે? ના...એની પાછળ પ્રચંડ પુણ્યબળ અને વિશિષ્ટ દૈવી બળ હતું માટે જ આમ બન્યું. શું માત્ર સ્વીચ દબાવવાથી ગ્લોબમાં પ્રકાશ થઈ જતો હશે? ના..જે પાવરહાઉસ સાથે કનેકશન હોય તો જ સ્વીચ દબાવવાની ક્રિયા કરવાથી પ્રકાશ થાય. નહિ તો નહિ જ. દેખીતી રીતે સ્વીચ દબાવવાથી પ્રકાશ થયો હોય તેવું લાગે પણ હકીકતમાં તો પાવરહાઉસ સાથેના કનેકશનને કારણે જ પ્રકાશ થાય છે. કનેકશન તૂટી જાય તો પ્રકાશ થાય નહિ.
