Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
- ૧૬
પ્રવચન છઠું અલબત્ત, પ્રાથમિક કક્ષામાં સામાન્ય કક્ષાની અવિધિવાળો ધર્મ પણ ઉપરની કક્ષામાં લઈ જવાના હેતુથી કામચલાઉ ચલાવી લેવાય, એ એક જુદી વાત છે.
પગની નસને આંચકો આપીને ઊંચી ચડાવવા છતાં તેની વેદનાને રાવણને કોઈ અનુભવ નથી. એ તો નિરંતર પરમાત્માનો વંદના કરવામાં મશગૂલ બની ગયા છે.
ટેનિસના બોલની જેમ પાપી ઊંચે ચઢે છે
ઘણી વાર એવું બનતું હોય છે કે ધર્મી માણસે જ્યારે ધર્મ કરે છે, ત્યારે તે જેટલા તેમાં એકાકાર બની શકતા નથી, તેટલા પાપી માણસો જ્યારે ધર્મ કરે છે ત્યારે તેમાં એકાકાર બની જતા હોય છે. કહેવત છે ને કે “મેરી તે ધમે”.
ગઈ કાલ સુધી જે અધર્મી માણસ ભયંકર ગાળો આપતો હતો, વગર દારૂ પીધે પીધેલા જેવી હાલતમાં ભટકતો હતો, એ માણસ પણ જો ક્યારેક જીવનનું અજબ પરિવર્તન પામી જાય તો પોતે કરેલા કાળાં પાપો બદલ એ બોલી ઊઠતો હોય છે...
માં સમ જૌન કુટિ, વરુ, #ામી... સમ યૌન કુટિ, વરુ, ની...
પાપી જ્યારે પાપાત્મા મટીને પુણ્યાત્મા બને છે ત્યારે ક્યારેક ઝડપથી ધર્મની ટોચ કક્ષાએ પણ પહોંચી જતો હોય છે. ટેનિસનો દડો જેટલો નીચે પછાડો એનાથી ઘણો વધુ એ ઊંચે જતો રહે છે. પાપી માટે ય કેટલીક વાર આવું બને છે. એ જેટલો નીચે પછડાયો હોય છે એનાથી મુનિજનોનો સત્સંગ વગેરે પ્રાપ્ત થતાં વધારે ઊંચે ચઢી જાય છે. મહાત્મા દઢપ્રહારી વગેરેના પ્રસંગમાં આવું જ બન્યું છે ને?
જિનનામકર્મ બાંધતા ભક્તિરસતરબોળ રાવણ
રાવણ પણ પોતાતા અપરાધોનો ભયંકર પસ્તાવો કરે છે. પોતાના દુઃખની કોઈ સીમા નથી.
એના હૈયે ભભૂકી ઊઠી છે; પાપના પશ્ચાત્તાપની પાવનકારિણી અગનજવાળાઓ! અને એના જ બળે જાણે કે એના મનનો તારે તાર ઝમી ગયો છે પરમાત્મ-ભક્તિના ગીત-ગૂજનમાં ! પાપની પારાવાર વેદના અને પરમાત્માને અનંત અનંત વંદના ! એ વેદના અને વંદનાની જોડલીએ રાવણને જિનનામકર્મની ભેટ કરી દીધી! આજના રાવણ...ભાવી કાળના પરમાત્મા બનવાના અમૂલખ સદ્ભાગ્યને વરી ગયા! ધન્ય છે; રાવણ! આપને!
મઢ્ય લોકના એક રાજા અને રાણીને આવી અનુપમ પ્રભુ-ભક્તિ કરતા જોઈને પરમાત્માની ભક્તિ કરવા આવેલા ધરણેન્દ્ર તેમની ઉપર પ્રસન્ન બની ગયા.
