Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
૧૯૩
રામાયણમાં સંસ્કૃતિને સન્ડેશ” પશુબળ ઝાઝું રહેતું ત્યારે તે ભૌતિક રીતે સમૃદ્ધ બની રહેતો. આ વાતને જરાક વિગતે વિચારીએ.
આ દેશના સઘળા પશુઓ–ગાય, ભેંસ, બળદ, ઘેટાં, બકરા, ગાડરો વગેરે– પોતાના છાણ–વિષ્ટા વગેરે દ્વારા દેશને ભૌતિક સમૃદ્ધિથી આબાદ રાખતા. જે પશુઓનો નાશ તો માનવપ્રજાને ય નાશ
જો ભારતની ધરતી ઉપરથી પશુઓનો નાશ કરવામાં આવે તો ભારતની માનવપ્રજાનો પણ વિનાશ થઈ જાય. હળની ખેતી, ખેતરો અને સેન્દ્રિય ખાતર વિના ભારતની માનવપ્રજા ટકી શકે એમ નથી.
પરંતુ આજે તો ઢોરો માટે રાક્ષસી યાત્રિક કતલખાનાઓ ઊભા કરવામાં આવ્યા છે. એમાં એવી અદ્યતન સામગ્રી લાવવામાં આવી છે કે દેવનાર જેવા કતલખાના તો રોજના છ હજાર મોટા ઢોરોને સહેલાઈથી કાપી નાંખે છે. આવા કુલ બાર કતલખાનાઓ આ દેશમાં ઊભા કરવામાં આવનાર છે. જેમાંથી ચાર તો સાંભળવા મુજબ કામ કરતા થઈ ગયા છે.
આ રીતે પ્રજાનાયકો પશુનાશ માટેની ભેદી યોજનાઓ ગોઠવી ચૂક્યા હોય તેમ જણાય છે. ગાયો વગેરેના માંસની નિકાસની વાતો કરવામાં આવી રહી છે. અને બુદ્ધિવિહોણો શિક્ષિત (!) વર્ગ એમાં સામેલ થઈ રહ્યો છે.
દસ બાર વર્ષ પૂર્વે રોકફેલર ફાઉન્ડેશન તરફથી નિબન્ધ હરીફાઈ માટે પાંચ લાખના ઈનામો પ્રગટ થયા હતા. એણે એક નિબન્ધ માંગ્યો હતો, જેનો વિષય હતો, “ભારતની ખેતીને ત્રીસ ટકા સુધી નીચે શી રીતે લાવી શકાય !”
ટ્રેક્ટર અને ઓઈલ એન્જિનોની ખેતી પશુઓને તદ્દન બિનજરૂરી બનાવશે. અને એથી એમની રક્ષા કરવાને બદલે સૌની નજર દૂધ તરફ થશે. દૂધાળા ઢોરોની રક્ષાની જ વાતો સહુ કરશે. પછી જ્યારે “ફુડપેકેટોનો પ્રવાહ ભેટ રૂપે આવશે ત્યારે એ દૂધાળા ઢોરો પણ “નકામા” ગણાશે. એમની પણ કતલ થઈ જશે. આમ સમગ્ર પશુઓનો નાશ થશે. શું મોટરોની જગ્યાએ ગાય વગેરે ન રાખી શકાય?
આ દેશમાં આ પ્રકારની પશુઓની કલેઆમથી તો અશુદ્ધ દૂધ વગેરેના અભાવે બાળકો નિર્માલ્ય પાકશે. તમારા બાળકોને પરદેશમાંથી આયાત કરેલા પાવડરો વગેરેના દૂધ પાઈ પાઈને એમનું ખૂટતું પોષણ પૂરું કરવું પડશે અને જ્યારે એ પરદેશીઓની મહેરબાની પૂરી થશે અને આ મદદ કરવાનું બંધ કરશે તે દી ભારતની પરાવલંબી પ્રજાના કરોડો હાડપિંજરો સ્મશાન તરફ ઘસમસતા–દોડતા– જોવા મળે તો જરાય નવાઈ નહીં.
