Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
પ્રવચન સાતમું રામરાજ્ય લાવવું હશે તો ય કોઈ વસિષ્ટ [અર્થાત કોઈપણ સાચા સદગુરુ 1 ને તો એ રાજકારણીઓને પોતાના માથે રાખવા જ પડશે ને ? આજના સત્તાધીશો માથે આવા કોઈ વસિષ્ઠ છે ખરા?
રે! સંતોને માથે રાખવા તો દૂર રહ્યા પણ આજે તો એકાદ બે વ્યક્તિના દોષને આગળ કરીને સમસ્ત સંસ્થાને બદનામ કરી નાંખવાની એક પણ તક બુદ્ધિજીવીઓ જતી કરતા કરતા નથી. એમાં ય ધર્મતત્વને લગતી બાબતોમાં તો આ કુટિલચાલ તે લોકો અવશ્ય રમી નાંખતા હોય છે. પેલી કહેવત છે ને કે કૂતરાને ઠાર કરવો હોય તો લોક-લાગણી પોતાની તરફેણમાં લાવવા માટે તેને હડકાયો” જાહેર કરવો પડે !
યાદ રાખો... કે જગતમાં જે કોઈ સાચા સંતો અને મુનિભગવંતો જીવતા જ ન હોત અને બધા જ પોતાની ગાદી નીચે હજારો રૂપિયા ભેગા કરતા હોત તો દરિયામાં ઘૂઘવાટ કરતા આ જે મોજા કાંઠે આવીને પાછા ફરે છે તે પાછા ન ફરતા હોત. સમુદ્ર માઝા મૂકીને આખા મુંબઈને પોતાનામાં ગરકાવ કરી દીધું હોત. પાડાનાં વાંકે પખાલીને ડામ ન દેવાય
આજના રાજકારણીઓ તો પોતાના અધિવેશનમાં વજને નમસ્કાર કરે છે. પરંતુ કોઈ સદ્ગર એમને આજ સુધીમાં નમસ્કાર કરવા યોગ્ય જણાયા જ નથી !! હવે આવા લોકો રામરાજ્ય લાવવાની વાત કરે તો તે કેટલી હાસ્યાસ્પદ વાત ગણાય?
જે સાધુ સંસ્થામાં ક્યાંક-બે પાંચ ટકા પણ ગરબડ પિઠી હોય તો તેને દૂર કરાવીને પણ સાચા સાધુઓને પ્રજાના રાહબર તરીકે સન્માનવા જ પડશે.
ટૂંકમાં સાધુઓ સ્વાર્થ અને પ્રપંચોના પોતાના કોચલામાં ફસાવવાનું બંધ કરે; અને ગૃહસ્થો કોક સાધુના કારણે આખી સાધુસંસ્થાને વગોવવાનો–પાડાનાં વાંકે પખાલીને ડામ દેવાનો-વંધો બંધ કરે. હવે આપણે અંજનાસુંદરીના જીવન અંગે વિસ્તારથી વિચાર કરીએ. મહાસતી અંજનાનો જીવન-પ્રસંગ
વૈતાઢ્યગિરિ ઉપર આપેલા આદિત્યપુર–નગરમાં પ્રહલાદ રાજા રાજ્ય કરતો હતો. તેને કેતુમતી નામે પત્ની હતી. અને પવનંજય નામનો પરાક્રમી પુત્ર હતો.
દતી પર્વત ઉપર માહેન્દ્રપુરનગરમાં મહેન્દ્ર નામે વિદ્યાધર-રાજવી હતો. તેને હદયસુન્દરી નામે પત્ની હતી. અને અંજના નામે અત્યન્ત રૂપ–લાવણ્યવતી પુત્રી હતી.
વિદ્યાધર એટલે વિધાને ધારણ કરનારા વિવિધ વિદ્યાઓના ધારક માનવીઓ વિદ્યાધર કહેવાતા. મહેન્દ્ર આવા જ વિદ્યાધરોના રાજા હતા.
