Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
૨૩૪
પ્રવચન આઠમું મોતનું “રિએકશન” લાવનારી દવા લેવાય ખરી?
રોગને મટાડવા માટે કોઈ પણ દવા એવા પ્રકારની ન જ લેવી જોઈએ કે જે લીધા પછી એનું જીવલેણ રિએકશન આવે. ધારો કે તમને માથું ખૂબ દુ:ખતું હોય અને તમે ડૉકટર પાસે દવા લેવા જાઓ ત્યારે ડૉકટર તમને એવી ગોળી આપે કે જે લેતા પાંચ જ મિનિટમાં તમારું માથું તો ઊતરી જાય; પરનું બે કલાક પછી તમને તેનું એવું જોરદાર ‘રિએકશન આવે કે જેનાથી તમને “હેમરેજ' થાય અને થોડી જ વારમાં તમારું મૃત્યુ થાય. તો શું એવી દવા તમે લેવા માટે તૈયાર થશો ખરા ? નહિ જ ને?
એ જ રીતે સંતતિનિયમન દ્વારા કદાચ વસતિ ઘટાડો થઈ જાય અને એનાથી ભારતના લોકોના સુખને કદાચ વધારો થતો હોય તો પણ આ એવી ભયંકર દવા છે કે જેનાથી પ્રજાનું ચારિત્ર્ય અને સંસ્કૃતિ સાફ થઈ જાય. જે માણસ લાંબા ગાળાના પરિણામોનો વિચાર ન કરી શકતા હોય એ જ કામચલાઉ માથું ઉતારવા જેવો વસતિ ઘટાડો કરી લઈને મેત જેવા પ્રજાના ચારિત્ર્યનાશને પણ નિભાવી શકે. બુદ્ધિશાળી અને દીર્ઘદર્શ મનુષ્ય તો કદાપિ નહિ. વસતિના વધારાને રોકી અને વસતિઘટાડો કરતી દવા જો વસતીભવાડામાં પરિણમે તો તેના તાત્કાલિક લાભોને વિચાર કરનારો માણસ કદી આર્ય ન કહેવાય.
આવું જ છે; રાસાયણિક ખાતરોનું. જેના દ્વારા કામચલાઉ રીતે ધરતીમાં ખૂબ પાક મેળવી લેવા જતાં દસ વર્ષમાં ધરતીનાં રસકસ ખતમ જઈ જવાના છે. આમ થતાં અનાજની તીવ્ર અછત ઊભી થશે. એટલે ચપ્પણિયું લઈને વિદેશ પાસે અનાજની ભીખ માંગવી પડશે; અને મદદ આપવાના વિષયમાં જ્યારે એ વિદેશી પ્રજા વિશે, અને તેથી ભારતને અનાજ આપવાનું બંધ કરશે તો ભારતના કરોડો માણસે અકાળે મૃત્યુ તરફ ધકેલાઈ જશે. ‘ટયૂબવેલો'ની પાછળનું ભેદી રહસ્ય
આવું જ છે પાતાળકૂવાનો (tube well) ની યોજનાનું. પાતાળકૂવાઓ દ્વારા ખેતરોમાં ખૂબ પાણી ખેંચવાથી છેવટે શું થાય છે એ તમે જાણો છો? ટયૂબવેલો દ્વારા ધરતીમાંથી ખૂબ જ પાણી ખેંચી લેવાથી ધરતીમાં મીઠા પાણીની જગ્યાઓ ખાલી (vacum) પડે છે અને એ “વકમ'માં દરિયાના ખારા પાણી પહોંચી જાય છે. આમ થતાં કુવા, તળાવ, નદી નાળાં વગેરેના મીઠાં પાણીમાં તે પાણીની ખારાશ પ્રવેશી જાય છે.
આ વસ્તુ એ બતાવી આપે છે કે અંગ્રેજો પોતાના ભેદી કાર્યક્રમો દ્વારા ભારતીય પ્રજાની તમામ જીવાદોરીઓને કાપીને સાફ કરી નાંખવા માટે જ વિવિધ મદદો વગેરે આપી રહ્યા છે.
