Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
૧૧૮
પ્રવચન ચોથુ જાપાનનું અર્થતંત્ર કેમ વિકાસ સાધી શકયું છે અને ભારત પોતાના અર્થતંત્રની બાબતમાં કેમ નબળું રહ્યું છે? તેની વિગતવાર સમજૂતી આપીને તે પ્રોફેસરે છેલ્લા દિવસના પોતાના ભાષણનો ઉપસંહાર કરતાં જણાવ્યું હતું કે, “જાપાન આર્થિક રીતે ગમે તેટલું વિકાસ પામ્યું હોય, અને ભારત એ બાબતમાં ભલે પાછળ રહ્યું હોય, છતાં તમે સમજી રાખજો કે ભારત કદી બરબાદ થવાનું નથી. કારણ કે જ્યાં સુધી આ આ દેશની ધરતી ઉપર સંતો અને મહાસંતો ઘૂમી રહ્યા છે, આબૂની ગુફાઓમાં, પર્વતોની કોતરોમાં કે ગામડે ગામડે ફરતા સદાચારી સંતોના અણુ-પરમાણુઓ જ્યાં સુધી ભારતમાં ઘૂમરી લઈ રહ્યા છે ત્યાં સુધી ભારતનો વિનાશ કદી થઈ શકશે નહિ.”
ભારતના એક સમજદાર વિદ્વાન આ વાત કરે છે. જયારે આજે બીજા અનેક અશ્રદ્ધાળુઓ આક્ષેપ કરે છે કે “સાધુઓ હરામનું ખાય છે” એ વાત શું ઉચિત છે? છતાં આ પ્રકારના “બ્રેઈનવોશ' દ્વારા સમાજના લોકોનું મગજ એવું કહોવાઈ નંખાયું છે કે એના કારણે સંસ્કૃતિની આ વાતો સમજાવવી ખૂબ કઠણ બની ગઈ છે.
ધર્મના વિષયમાં લોકમાનસ એટલું દૂષિત કરવામાં આવ્યું છે કે આ પરિસ્થિતિમાં ધર્મ અંગે સાફ સાફ વાતો કરનાર સાધુ, જે એની પાસે વિશિષ્ટ કોટિનું ગુરુકૃપાજનિન પુણ્યબળ ન હોય તો કદાચ માર ખાય અથવા એની ધર્મસભામાં દૂરિયો બોલાય. બગાડો છે; પણ ટકા કેટલા?
આજે સાધુઓ પ્રત્યેની શ્રદ્ધા ડગવા માંડી છે. એના કારણમાં અલબત્ત, સાધુઓના જીવનમાં ય બગાડો પેઠો છે, તેમાં ના નથી. પણ ટકાવારી મૂકો તો કેટલી?
મુનિઓના ઉજળી ચાદર જેવા જીવનને કાળા ડાઘ લાગ્યા છે; પરંતુ સમાજ જ્યારે નેવું ટકા ખરાબીઓથી ઉભરાઈ ગયો છે ત્યારે સાધુસંસ્થામાં માત્ર બે પાંચ ટકા જ ખરાબી પેઠી છે. પાંચ ટકાનો આ બગાડો આગળ કરીને આખી સાધુસંસ્થાને વગોવવી એ સજજનોના કામ નથી.
જે સાધુ ભગવંતોની શુદ્ધિ ઉપર જ સમાજના ભયંકર પ્રશ્નો હલ થતા, લોકો જેમના ચરણ સ્પર્શ માત્રથી શાંતિ અને સમાધિ પ્રાપ્ત કરતા, તે મુનિજનોને આજનો યુવાન વર્ગ “હરામનું ખાનારા” કહે એ ઇષ્ટતાની પરાકાષ્ટા નથી? કહેવાતા સુ-શિક્ષિતો (!) પણ આવી ધૃષ્ટતાનો ભોગ બન્યા છે બ્રહ્મચર્યની પ્રચંડ તાકાત
ભારતના દક્ષિણ રાજ્યના કોઈ પહાડની પાસે વહી જતી પ્રશાંત નદીના તટે એક યુવાન વિદ્યાર્થી બેઠો હતો. “પાંતજલ યોગસૂત્ર” પુસ્તક વાંચતાં વાંચતા ત્રાતિષ્ઠાવાં વીર્યમઃ આ સૂત્ર એની નજરે આવ્યું.
