Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
૧૨૮
પ્રવચન પાંચમું સર્વધર્મોના નાશ માટે જ સેકયુલર સ્ટેટ
આજે હિન્દુસ્તાનમાંથી ધર્મતત્ત્વની નાબૂદી કરવામાં આવી છે. દેશને “Secular State' જાહેર કરીને ધર્મને ખૂબીપૂર્વક ઉડાવી દેવાયો છે. સરકારી સ્તર ઉપરથી એમ સમજાવવામાં આવી રહ્યું છે કે “અમે તો સર્વધર્મને સમાન માનીએ છીએ. માટે જ અમે દેશને “સેકયુલર સ્ટેટ” જાહેર કર્યો છે. “સેક્યુલર સ્ટેટનો અર્થ ધર્મોનો નાશ નહિ, પણ સર્વધર્મસમન્વય છે. વગેરે”
પણ આ બધા તદ્દન જુટા આશ્વાસનો છે. આ રીતે પ્રજાની આંખે ઊંધા પાટા બાંધવામાં આવી રહ્યા છે.
ધર્મોનો નાશ કરવા માટે જ ભારતને “સેક્યુલર' જાહેર કરવામાં આવેલ છે. જે આમ ન હોત તો ધાર્મિક ટ્રસ્ટોના દાનને કરમુક્તિ શા માટે આપવામાં આવતી નથી? જે સંસ્થાઓને ધર્મ સાથે કશું લાગતું વળગતું નથી એવી અનેક સામાજિક જાહેર સંસ્થાઓના દાનને, કામોત્તેજક સિનેમા વગેરેને પણ કરમુક્તિ આપવામાં આવે છે અને ધાર્મિક ટ્રસ્ટોને જ તેમાંથી બાકાત રાખવામાં આવે છે. એવું શા માટે?
રાજકારણની ડખલોથી સંસ્કૃતિ-નાશ
હકીકતમાં તો ધર્મસંસ્થાઓમાં રાજકારણે હસ્તક્ષેપ જ કરવો ન જોઈએ. બધે જ રાજકારણે ઘસણખોરી કરી હોવાથી અનેક મુશ્કેલીઓ ઊભી થવા પામી છે. સેક્યુલર સ્ટેટના સિદ્ધાન્તના ઓઠાં નીચે કરાતી રાજકારણની ડખલોએ પ્રજાના શિક્ષણ વગેરે સ્તરમાંથી સંસ્કૃતિનો નાશ કરવાનું કામ કર્યું છે.
નિશાળોમાં પૂર્વે એવા પાઠો શીખવવામાં આવતા કે જેનાથી બાળકોમાં ધાર્મિકવૃત્તિઓ પેદા થતી. જ્યારે આજે “સેક્યુલર સ્ટેટના ઓઠાં નીચે વ્યાવહારિક શિક્ષણમાંથી ધર્મની વાતોને પણ દૂર કરવામાં આવી છે!
શિક્ષણમાંથી ધર્મતત્ત્વને દેશવટો
વ્યવહારિક શિક્ષણમાં ધર્મની શું જરૂર છે? એને માટે જુદી પાઠશાળાઓ સ્થાપો.” આવી બૂમરાણ મચાવી ચાવીને શિક્ષણમાંથી ધર્મને રદ કરાયો. ધર્મ શિક્ષણ માટે જુદી પાઠશાળાઓ ઊભી કરાઈ. બીજી બાજુ વ્યવહારિક શિક્ષણ ઉપર એટલું બધું જોર આપવામાં આવ્યું કે લોકપ્રવાહ વ્યવહારિક શિક્ષણ ઉપર જોરથી ધસવા માંડયો. અને પેલું ધાર્મિક પાઠશાળાઓનું શિક્ષણ તો બિચારું ક્યાનું કયાંય પાછળ રહી ગયું.
