Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
રામાયણમાં સંસ્કૃતિનો સંદેશ”
૧૦૫
આજના યુવાન અને યુવતીઓના ભૂગર્ભના જીવન જે છાપાઓમાં સાચી રીતે છપાઈને બહાર પડે તો આ સમાજની આંખો અને માથું ફાટી જાય એવી ભયાનક સ્થિતિનું નિર્માણ મહદંશે થઈ ચૂક્યું જણાય છે.
આખો વર્તમાનકાળ ભોગલંપટતાનો કાળ બની ગયો હોય તેવું શું નથી લાગતું? યુવાનો અને યુવતીઓ પોતાના માતા-પિતાને માથેથી ચિંતાઓ ઉતરાવી નાખીને પરસ્પર પોતાની મેળે જ એકબીજા પરણી જતા હોય છે.
અનેક પુરુષો દ્વારા અનેક યુવતીઓના શીલ ચૂંથાઈ રહ્યા છે. ભ્રષ્ટતાનું સામ્રાજ્ય ચોફેર ફેલાઈ રહ્યાનું જણાય છે. આ બધી અત્યંત ભયંકર બાબતો છે.
સમાજને આની કશી ખબર નથી તેવું નથી. સમાજના અનેક મોભદાર માણસો આ બધું જાણતા હોવા છતાં તેઓ પોતાનામાં જ મશગૂલ છે. “દુનિયા આખી જહન્નમમાં જાય. અમારે શું?” આવી મનોવૃત્તિ ઘણો જવાબદાર વર્ગ ધરાવતો થઈ ગયો છે. ભારતના જ અમીચંદો અને સ્વાર્થીઓથી વારંવાર ભારતની બરબાદી થઈ છે. એક કુલિન બાળાની હૃદયદ્રાવક કહાણી
થોડા વખત પૂર્વે પોતાના શીલની ખાતર જાનની બાજી લગાવી દેનારી એક કુલિન બાળાને એક નફફટ યુવાન કેવી રીતે ફસાવે છે, તેનો તદન સાચો કિસ્સો તમને કહું છું. એ છોકરીને માટે કોઈ મૂરતિયો જલ્દી મળતો ન હતો. મા–બાપને માથે એની ખૂબ ચિંતા રહેતી કે, “દીકરી મોટી થઈ ગઈ છે. હવે જલ્દી એને ઠેકાણે જ પાડવી જોઈએ.”
પિતા દુકાનેથી ઘણીવાર જમવાના બહાને કોઈને કોઈ છોકરાને ઘરે મોકલતા. અને ઘણાં છોકરાઓ એને જોઈને અંતે ના પાડીને ચાલ્યા જતા.
એક દિવસ એક યુવાને આ દીકરીના પિતા ઉપર પત્ર લખીને છોકરીને પોતાને ઘેર મોકલી આપવા જણાવ્યું. જેથી પોતે જાતે રૂબરૂમાં તેની પસંદગી કરી શકે. પરંતુ દીકરી અતિ સંસ્કારી હતી તેથી તેણે પારકે ઘેર જવાની ના પાડી દીધી. છેવટે પિતાએ એ યુવકને પોતાને ઘેર બોલાવ્યો. અને પેલી દીકરીએ એ યુવકને પોતાના વડીલોની હાજરીમાં જ જે પૂછવું હોય તે પૂછવા જણાવ્યું.
યુવાનના આગ્રહથી દીકરીને તેની સાથે ફરવા જવાની પિતાને ફરજ પાડવી પડી. છોકરીએ રસ્તામાં મર્યાદા બહાર કાંઈ પણ કરવાની સાફ ના પાડી દીધી.
છોકરીના ઘેર યુવાન વીસ દિવસ રહ્યો. અને ધીરે ધીરે તેને એકાંતમાં મળવાની ફરજ પાડી. અને અંતે... એક કાળી પળે એ છોકરીનું શીલરત્ન પેલા દુષ્ટ યુવાને ખતમ કર્યું.
