Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
પ્રવચન ત્રીજું
આ દેશમાં જન્મેલા માનવોમાં બ્રહ્મચર્યના કેવા ચમકારા હતા તે ઉપર તમને એક પ્રસંગ કહું છું.
ચમત્કાર તો આ રહ્યો, દેખવો છે કોને?
વિવેકાનંદના પરદેશમાં રહેલા એક શિષ્યની બ્રહ્મચર્યની વાતો વારંવાર સાંભળીને તેના ચાહક ડૉકટરોના વર્ગે તેની પાસે બ્રહ્મચર્યનો કોઈ ચમત્કાર દેખાડવા કહ્યું. ભાગ્યે યોગે તે જ વખતે તેના ગુરુ વિવેકાનંદ પરદેશમાં આવી ચૂક્યા હતા. કોઈ ચમત્કાર બતાડવાની ચાહકોની વાત તેણે ગુરુજીને કરી.
બીજે દિવસે પંદર હજાર માણસોની સભાને વિવેકાનંદ સંબોધવાના હતા. તેમાં પેલા ચમત્કારભૂખ્યા ડૉકટરો પણ હાજર રહેવાના હતા. એટલે એ સભામાં જ ચમત્કાર દેખાડવાનું વિવેકાનંદે જાહેર કરાવ્યું.
બીજે દી સભા થઈ. પહેલી પચાસ મિનિટ સુધી તો સ્વામીજી “સંસ્કૃતિ ઉપર બોલ્યા. પણ છેલ્લી દસ મિનિટમાં તેણે પશ્ચિમના લોકોની અભિમાનતા વગેરે બાબતો ઉપર સખત ઝાટકણી કાઢતાં છેવટે કહી દીધું કે,
"Doctors of America are nothing but donkies”
આ વાક્ય સમસમી જઈને સાંભળી લીધા બાદ સભા વિખરાઈ વિપરાતા જતા ટોળામાંના કોક ડૉક્ટરે બીજાને કહ્યું. “બધી વાતો તો વિવેકાનંદજીએ સારી કરી, પણ બ્રહ્મચર્યનો ચમત્કાર તો કોઈ બતાડ્યો જ નહિ.”
પેલા બુઝર્ગ અને સમજદાર ડૉકટરે કહ્યું : “અરે! ચમત્કાર? આટલો મોટો તો ચમત્કાર બતાડી દીધો. આપણે લોકો મોટા મોટા ડૉક્ટર, કવોલિફાઇડ ડીગ્રીઓ ધરાવનારા કહેવાઈએ. છતાં ભરસભામાં આપણને “ગધેડા” કહી દીધા અને આપણે એક અક્ષર પણ બોલ્યા નહિ અને ચૂપચાપ સાંભળી લીધું. આ ચમત્કાર નહિ તો બીજું શું છે ?”
આધ્યાત્મિક બળનો ઉત્કૃષ્ટ ચમત્કાર
સ્વામી વિવેકાનંદ કરતાં ય ઘણા ચડિયાતા આધ્યાત્મિક ચમકારા આ દેશની ધરતી ઉપર બનતા રહ્યા છે.
તીર્થકર ભગવાન મહાવીરદેવના મુખેથી નીકળતા “બુઝઝ બુઝઝ ચંડકાસિયા ' એવા શબ્દમાત્રથી ઝેરીલો દૃષ્ટિવિષ સાપ સાવ શાંત બની જાય એ શું આધ્યાત્મિક બળનો ઉત્કૃષ્ટ કોટિનો ચમત્કાર નથી ?
