Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
પ્રવચન ત્રીજું કોલેજની ચોંકાવનારી સર્વે
હમણાં મહારાષ્ટ્રની એક કોલેજના છોકરા-છોકરીઓની સર્વે કરવામાં આવી હતી. સર્વે બાદ તે લોકોએ જાહેર કર્યું કે કોલેજના એંસી ટકા છોકરા-છોકરીઓનું લોહી જોખમી રોગોના જંતુઓથી વ્યાપ્ત થઈ ગયું હતુ.
આ બધું સાંભળીને અમારા અંતર વ્યથિત થઈ જાય છે? જે લોકો આર્ય હશે તેમને પણ આ સાંભળીને હૃદયમાં દર્દ ઉત્પન્ન થઈ જશે.
પ્લેગના રોગે ઘેરાયેલું નગર
આ રોગો એવા ફાલ્યાકુલ્યા છે કે ડૉકટરોની પેનલો પણ હવે તેને બચાવી શકશે કે કેમ એવી શંકા થાય છે.
પ્લેગના રોગથી જ્યારે આખું ગામ સપડાઈ ગયું હોય ત્યારે જાતને બચાવવા માટે પ્લેગને દૂર કરવા કરતાં ગામના જ ત્યાગ કરી દેવો પડે છે. એ જ રીતે પ્રત્યેક ઘરને બચાવી લેવાની ઈચ્છા હોવા છતાં પાપોના અને વિકારોના એવા ચેપ ફેલાયા છે કે આજે સમગ્ર ભારત જાણે કે એમાં ફસાઈ ગયું છે.
જાપાનની બ્લ્યુ પટ્ટી
જાપાનની અન્દર એક પદ્ધતિ છે. કોઈ પણ માણસને શરદી થાય તો તે તરત ડૉકટર પાસે જાય છે. ડૉકટર એના નાક ઉપર એક યુ રંગની પટ્ટી લગાડી આપે છે. આ પટ્ટી Germiside (જંતુનાશક) દ્રાવણવાળી હોય છે. આથી શરદીના જતુઓ એ પટ્ટીથી આગળ વધી શકતા નથી.
તમને પૂછું છું કે તમારી પાસે એવી કોઈ “લ્યુ પટ્ટી છે કે જેનાથી તમારાં પાપોના સંસ્કારો બીજા માણસોમાં પ્રવેશતા અટકી જાય. આપણો ચેપ બીજાને લાગુ ન થઈ જાય એ માટે આપણે એવી ધર્મસાધનાની કોઈ પટ્ટી રાખી છે ખરી ?
માતા-પિતાના ક્રોધાદિ-સંસ્કારો પુત્રોમાં
જે ઘરમાં માતા અને પિતા ક્રોધી હશે અથવા ગાળો દેવાની ટેવવાળા હશે તો એ ઘરમાં એ દોષોનો ચેપ પુત્રોમાં, પુત્રવધૂઓમાં, પૌત્રોમાં, અરે! ઘરના ઘાટી સુદ્ધામાં ફેલાઈ જતો હોય, અને બધાના મગજના પારા ઊંચે ચઢી જતા હોય, એવું ઘણીવાર જોવામાં આવે છે.
