________________
મુક્તિ પામવા માટે જરૂરી અધ્યવસાયની
શુદ્ધિ અને વૃદ્ધિ
ચરણસિત્તરી અને કરણસિત્તરી રૂપ મુનિજીવનને જે બાહ્ય આચારમાર્ગ છે તેના સેવનમાત્રથી મુક્તિ થતી નથી. અભવ્યએ આ બાહ્યાચાર ઉત્કૃષ્ટપણે સેવ્યું છે. તે પણ તેઓ તેના પ્રભાવથી અનંતી વખત નવમા ગ્રેવેયક સુધી ગયા છે, પરંતુ એક વાર પણ મુક્તિ પામી શક્યા નથી. તેનું કારણ એ છે કે તેઓ પાસે આંતરિક શુભ અધ્યવસાયેની શુદ્ધિ અને વૃદ્ધિ થવાનું લક્ષ્ય ન હતું.
આથી એ વાત સ્પષ્ટ થાય છે કે મુમુક્ષુએ મુનિજીવનના બાહ્યાચારોમાં જ ઓતપ્રેત રહેવાની સાથે અધ્યવસાયેની નિર્મળતા શી રીતે થાય ? તેને અંગેની વિચારણા કરવી જોઈએ અને તેનું લક્ષ્ય સતત રાખવું જોઈએ. એવું લક્ષ્ય રાખવાપૂર્વક જે ગચ્છવાસ વગેરે સાત વ્યવહારનું બરાબર પાલન કરવામાં આવે તે તે લક્ષ્ય વીંધાઈ જાય અને તે અધ્યવસાયની નિર્મળતા પ્રાપ્ત થાય અને જેને પ્રાપ્ત થઈ હોય તેને તેમાં ઉત્તરોત્તર વૃદ્ધિ થતી જાય. તે સાત વ્યવહારોનાં નામ આ પ્રમાણે છે.
૧. ગચ્છવાસ, ૨. કુસંસર્ગ ત્યાગ, ૩. અર્થ-પદચિંતન,
