________________
છે.
નામના શ્રી રાવણના હાથી ઉપર બેસીને, સુગ્રીવાદિ પરિવારથી વિંટળાયેલા શ્રી રાવણના મહેલમાં ગયા.
શ્રાવકના મહેલમાં શું હોય ? દીવાનખાનાં, વિલાસભુવન અને તબેલા માત્ર ? ના, માત્ર એ જ ન હોય, પણ શ્રી જિનમંદિર, પૌષધશાળા વગેરે ધર્મસ્થાનો પણ હોય. આખા બંગલામાં જેવી સુંદર અને મનોરમ ચીજો ન હોય તેવી સુંદર અને મનોરમ ચીજો શ્રી જિનમંદિરમાં હોય. આખા પ્રાસાદમાં જે આકર્ષણ ન હોય તે શ્રી જિનમંદિરમાં હોય. જેમ કે ઇતર, જે ત્યાં આવે તેને પહેલું એ જોવાનું મન થાય, એવું એ મન્દિર હોય. પૂર્વે એ સ્થિતિ હતી. આજે પણ એના નમૂના છે. કલકત્તામાં છે ને ?
સભા: હા જી.
પૂજ્યશ્રી : શ્રાવકો ઘણી લક્ષ્મીનો ઉપયોગ ત્યાં કરે, કે જેથી અનેક આત્માઓને બોધિબીજનો લાભ થાય. જોનારને પણ એ જોઈને એમ થાય કે કોરો શ્રીમાન નથી પણ નિભક્ત શ્રીમાન છે. એની ભક્તિ જોઈને ય સામાના હૃદયમાં સારી ભાવના જાગે. શ્રી રાવણના એ મહેલમાં શ્રી શાંતિનાથ ભગવાનનું પરમ આલાદક સુંદર મંદિર હતું, કે જેને હજારો મણિસ્તંભો હતા. ત્રણ ખંડના માલિકના આવાસમાં આ પણ હોઈ શકે. આજે મોટા શેઠીયાઓના બંગલા-બગીચા પણ માઈલ બબ્બે માઈલના ઘેરાવામાં હોય છે, તો પછી ત્રણ ખંડના માલિક કે જેની સોળ સોળ હજાર રાજાઓ સેવા કરતા તેને ત્યાં આવું મંદિર હોય, એમાં નવાઈ શી ? એનો આવાસ કાંઈ નાનોસૂનો ન હોય ! એવા શ્રી ક્લિમંદિરમાં પૂજાની સામગ્રી પણ કેવી હોય ? સામગ્રી પણ એવી જ આકર્ષક હોય. રોજ તાજી જ દેખાય, એવી તો વ્યવસ્થા હોય. આજે તો આઠ દિવસે પણ કળશ રીતસર ઉટકાય નહીં, જંગલુછણાં પણ ગંદાં હોય, એવી દશા પણ કેટલેક સ્થળે છે. જ્યાં ઉંચામાં ઉંચી સામગ્રી જોઈએ ત્યાં આ દશા છે અને શેઠીયાને પોતાને તો સારાં સફાઈદાર કપડાં જોઈએ. શ્રીમાનોની પ્રભૂપૂજામાં ઊંચામાં ઊંચી વસ્તુ જોઈએ. ધર્મની સામગ્રી તો સામગ્રી સંપન્ન શ્રાવકોને ઘેર એવી હોય કે નવો આવે તે સામગ્રી જોયા કરે અને યોગ્ય આત્માઓ જેમ દેખતાં જાય તેમ અનુમોદના કર્યે જાય.
ભકત શ્રી બિભીષણ અને નિસ્પૃહ શ્રી રામચન્દ્રજી...૧
