________________
પેલો શ્રેષ્ઠિપુત્ર કમલ! નિયમ લેવા તૈયાર જ નહિ. જીવન તેનું ખોટા રસ્તે સરી પડેલું, કોઈનું ય સાંભળવા તે તૈયાર નહિ; પરાણે મુનિનું પ્રવચન સાંભળવાની ફરજ પડી તો વ્યાખ્યાન વખતે મુનિની હડપચી કેટલી વાર ઊંચી-નીચી થઈ? તેની ગણતરી કરનારો ! પણ છતાંય તેના જીવનનું કલ્યાણ થઈ ગયું નાનકડા નિયમના પ્રતાપે.
બીજું કાંઈ ન બની શકે તો પાસે રહેતા કુંભારની ટાલ જોયા પછી જ દાતણ કરવાનો નાનકડો નિયમ ગુરુ પાસે કમલે લીધો. તેનું બરોબર પાલન પણ તે કરવા લાગ્યો.
પણ એક દિવસ કુંભાર ન દેખાતાં, નિયમ-ભંગ ન થવા દેવા, કમલ ગામની બહાર જંગલ તરફ કુંભારની ટાલ જોવા દોડ્યો! કેમકે પેલો કુંભાર માટી લેવા ગધેડાં લઈને જંગલમાં ગયો હતો!
દૂરથી કુંભારની ટાલ જોઈને, “જોઈ લીધી-જોઈ લીધી” બોલતો કમલ પાછો ફરે છે ત્યારે કુંભાર કહે છે, “અલ્યા ઊભો રહે. ઊભો રહે... અડધી તારી... અડધી તારી!
હકીકતમાં માટી ખોદતાં કુંભારને ચરું જોવા મળેલો, જે સોનામહોરોથી ભરેલો હતો. કમલના મુખમાંથી “જોઈ લીધી, જોઈ લીધી’ શબ્દો સાંભળતાં કુંભાર એમ સમજ્યો કે કમલે સોનામહોરો જોઈ લીધી!
કુંભારના શબ્દોનું રહસ્ય ઉકેલવા કમલ કુંભાર પાસે આવ્યો ત્યારે તેણે સોનામહોરો જોઈ. સોનામહોરોનો અડધો ભાગ તેને મળી ગયો.
કમલ વિચારવા લાગ્યો... જેનો કોઈ મતલબ નથી તેવો કુંભારની ટાલ જોઈને દાતણ કરવાનો સામાન્ય નિયમ લેવાથી અને તેનું પાલન કરવાથી જો આટલી બધી સોનામહોરોનો લાભ થયો તો ભગવાને કહેલા વિશિષ્ટ નિયમો લઈએ અને તેનું બરોબર પાલન કરીએ તો કેટલો બધો લાભ થાય!
અને આ વિચારે કમલના જીવનનું પરિવર્તન કરી દીધું. કમલ સુધરી ગયો અને વ્રત-નિયમોથી તેનું જીવન સુંદર બની ગયું.
દીક્ષા લઈ શકાય તેમ ન જ હોય તો, દીક્ષા-લેવાની ભાવના મનમાં રમતી રાખીને તે માટે અનુકૂળતા પેદા ન થાય ત્યાં સુધી સમકિત સહિત બારવ્રત ગુરુ સાખે (સાક્ષીએ) લેવાનો પ્રયત્ન સહુએ કરવા જેવો છે. [ તા. બાર વત ઉયરવાં જરા ય મરકેલ તથી, કારણ કે પ્રેતાતી શારીરિક અને માતાસિક શક્તિ સાતસાર, આ હતો ગમે તેટલી સંખ્યામાં, ગમે તે રીતે અને ગમે તેટલા સમય માટે ઉચ્ચારી શકાય છે. આખક પરિસ્થિતિ માટે સોગને લઈને છોટા રાખી શકાય છે. હું ૬ મી
વ્રત ધરીયે ગુરુ સાખી
