________________
ગર્જના કરવાપૂર્વક છલાંગ મારીને વાધે સૂર્યને યમસદનમાં પહોંચાડી દીધો.
મરીને આદિવાસી પુત્રબનેલો તે સૂર્ય મોટો થતાં, પાછો તે જ પર્વત પર પહોંચ્યો. જોતાની સાથે વાઘે તેને ચીરી કાઢયો. ગુસ્સે થયેલા આદિવાસીઓએ તે વાઘને પણ ખતમ કર્યો.
વાઘ ને આદિવાસીપુત્ર, બંને મરીને તે જ પર્વત પર વરાહ બન્યા. લગાતાર ત્રણ વરસ સુધી બંને જણ એકબીજા સાથે લડતા રહ્યા. એક વાર કોઈ શિકારીએ બંનેને તીરથી વીંધી દીધા.
વૈર બહુ ખરાબ ચીજ છે. કોઈ દિવસ કોઈની સાથે વૈર બાંધવું નહિ. બધા સાથે મૈત્રીભાવ કેળવવો. જો વૈરની ગાંઠ બંધાઈ ગઈ તો ભવોભવ બરબાદ થયા વિના નહિ રહે..
મરીને તે બંને હરણ બન્યા. મોટા થઈને પરસ્પર લડવા લાગ્યા. છેવટે શિકારીના હાથે એક સાથે મર્યા.
મરીને બંને જણ હાથી બન્યા. મોટા થતાં પરસ્પર એકબીજા સાથે લડવાનું શરુ કર્યું. વૈરની આગ સળગી રહી છે. દરેક ભવમાં લડવા દ્વારા તેમાં પેટ્રોલ નાંખવાનું ચાલુ છે. એકમાત્ર માનવભવ એવો છે કે જેમાં અંદર રહેલા કુસંસ્કારોને ખતમ કરવા પાણી નાંખવાની સાધના થઈ શકે છે. બાકી અન્યભવોમાં તો પેટ્રોલ પૂરવાનું થતું હોય છે.
સૂર્ય અને રાજા બંનેને માનવજન્મ મળેલ પણ તેમણે ન દીક્ષા લીધી, નબાર વ્રત લઈને શ્રાવક બન્યા. બલ્ક વૈરની આગ સળગાવવાનું ખરાબ કાર્ય કર્યું. પરિણામે પછીના ભવો તેમને એવા જ મળી રહ્યા છે કે જેમાં પાણીથી આગ ઓલવવાનું તો શક્ય બનતું નથી પણ પેટ્રોલ પૂરી પૂરીને તે આગને વધુ ભયંકર બનાવવાના ધંધા ચાલે છે !
લડતાં લડતાં તે હાથીઓ પોતાના ટોળાથી છૂટા પડીને દૂર દૂર નીકળી ગયા. કોઈ શિકારીએ પકડી લીધા. જયપુરના રાજા ચન્દ્રના ચરણોમાં ભેટ ધર્યા. પણ હસ્તિશાળામાં રહેલા તે બે હાથીઓ પણ પરસ્પરને જોઈને ઘૂરકવાનું ને લડવાનું છોડતા નથી!
એક વાર કેવળજ્ઞાની ગુરુભગવંત તે નગરમાં પધાર્યા. સમગ્ર નગરના લોકો સાથે દેશના સાંભળવા રાજા ચન્દ્ર પણ પહોંચ્યા. દેશના પછી ચન્દ્ર ગુરુભગવંતને પૂછ્યું કે બે હાથીઓ કેમ રોજ ઝઘડ્યા કરે છે? રાજન! એ બે હાથીઓ જે ઝઘડે છે તેમાં કષાય કારણ છે. એક હાથી તારા પિતાનો જીવ છે, તો બીજો હાથી તારા મોટા ભાઈ સૂર્યનો જીવ છે !
પૂર્વભવની વૈરની પરંપરા આગળ વધારવાનું મૂર્ખામીભર્યું કાર્ય તેમનું અહીં પણ ચાલી રહ્યું છે ! ( ૬૪ જોગણી નો વ્રત ધરીયે ગુરુ સાખ ,
