________________
પછી પણ માછીમાર, ચંડાળ, ઠુંઠા, બહેરા વગેરે બનવું પડે છે. જો આ બધા દુઃખો સહન કરવાની તાકાત ન હોય તો આજથી જ ચોરીનો સદંતર ત્યાગ કરી દેવાનો નિર્ણય કરી દેવો જોઈએ.
મોટી ચોરીનો ત્યાગ કરવા રૂપ આ ત્રીજું અણુવ્રત ગ્રહણ કરવાથી અને તેનું બરોબર પાલન કરવાથી બધા મનુષ્યોનો વિશ્વાસ પ્રાપ્ત થાય છે. લોકો તરફથી પ્રશંસા થાય છે. ધન વગેરેની વૃદ્ધિ થાય છે. જેણે ચોરી કરી હોતી નથી તે નિર્ભય હોય છે. મસ્ત ખુમારીભેર જીવન જીવી શકે છે. ચોરી વિના નીતિથી મેળવેલું ધન નાશ પામતું નથી. ચોરાઈ જતું નથી. આ વ્રતનું પાલન કરવાથી પરલોકમાં પણ સદ્ગતિ મળે છે. રાજાદિના ઉચ્ચ અધિકારો પણ તેને પ્રાપ્ત થાય છે. માટે આ ત્રીજું સ્થૂલ અદત્તાદાન વિરમણ વ્રત દરેક વ્યક્તિએ સ્વીકારી લેવું જોઈએ.
આ ત્રીજું અણુવ્રત સ્વીકારવું કોઈના પણ માટે જરાય અઘરું નથી. કારણ કે જે જે પાળી શકાય નહિ, તેની છૂટછાટ રાખીને પણ આ વાત સ્વીકારી શકાય છે.
ખાતર પાડવું, તાળા તોડવા, ધાડ પાડવી વગેરે રુપ ચોરી તો કોઈ સજ્જન માણસ કરવા તૈયાર નથાય. છેવટે તેવી ચોરીનો ત્યાગ કરવા પવ્રત તો દરેક વ્યક્તિએ અવશ્ય સ્વીકારવું જ જોઈએ.
પ્રતિજ્ઞાઃ દુનિયામાં ચોરી તરીકે જેનો વ્યવહાર થાય છે, તેવી ખાતર પાડવું, તાળા તોડવા, ધાડ પાડવી વગેરે ૫ ચોરી હું કરીશ નહિ, બીજા પાસે કરાવીશ નહિ.
જે કદીય મનથી પણ હિંસાનકરે તેનામાં એવી જબરદસ્ત તાકાત પેદા થાય છે, એવો પ્રેમભાવ પેદા થાય છે કે જેના પ્રભાવે તેના સાનિધ્યમાં આવનાર વ્યક્તિના વૈરનો પરિણામ નાશ પામી જાય છે. જે કદી ય મનથી પણ અસત્ય બોલવાને ઇચ્છતો નથી, તેનામાં અમોઘ વચનની શક્તિ પેદા થાય છે, તેના મુખમાંથી નીકળેલું વચન કદી
અસત્ય પડતું નથી. તેમ જે વ્યક્તિ મનથી પણ ચોરી કરવાને ઇચ્છતી નથી તે વ્યક્તિને કદી ય કોઈ પાસે હાથ લંબાવવાનો અવસર આવતો નથી. તે ઇચ્છે તે તેને સામેથી આવીને મળવા લાગે છે.
લક્ષ્મીપૂંજ શેઠ તેનું સાક્ષાત દષ્ટાંત છે. તેઓ જ્યારે માતાના ગર્ભમાં આવ્યા ત્યારથી જ તેના પિતા શેઠને ત્યાં પુષ્કળ લક્ષ્મી આવવા લાગી. નિધાનો પ્રગટ થયા. ધરતીમાંથી ચરુ નીકળવા લાગ્યા. તે જન્મ્યા ત્યારે તો પિતાની સમૃદ્ધિ ઘણી બધી વધી ગઈ હતી. આઠ સ્ત્રીઓ સાથે પરણેલો લક્ષ્મીપુંજ સ્વર્ગના ઇન્દ્ર જેવું વિશિષ્ટ સુખ અનુભવવા લાગ્યો.
એક દિવસ એને વિચાર આવ્યો કે, “હું જે ઇચ્છું છું તે સુખ મને શી રીતે મળે છે? કરી ૮૧ વ્રત ધરીયે ગુરુ સાખ
