________________
કરવા જવા કહ્યું. રાજાના શબ્દો ઉપરથી જ ધનપાળ કવિ બધું સમજી ગયા. પણ એ તો નિર્ભય હતા!
જેને પરમાત્મા વહાલા લાગી ગયા હોય તેને કોઈ ભય કદી ન સતાવે. કોઈકે સાચું જ કહ્યું છે કે, “Fearis nothing but the lack offaithin God.” “ભગવાનની અંદર શ્રદ્ધાનો અભાવ, તેનું નામ ભય.” ભગવાનમાં જેને અવિહડ શ્રદ્ધા છે, તેને કોઈ ભય પેદા થતો નથી.
ધનપાળ કવિ તો પૂજાનો થાળ લઈને ભગવાનની પૂજા કરવા નીકળ્યા. રાજાના કહેવાથી ગુપ્તચરો પણ ગુપ્તપણે ધનપાળ કવિનું વર્તન નિહાળી રહ્યાં છે.
કવિ પહોંચ્યા સૌપ્રથમ રાધેકૃષ્ણના મંદિરમાં ! પણ ગર્ભગૃહમાં રાધાની પાસે બેઠેલા કૃષ્ણને નિહાળી, પોતાનો ખેસ મોઢા પર ઢાંકી, પૂજા કર્યા વિના જ સડસડાટ બહાર નીકળી ગયા.
પછી પહોંચ્યા મહાકાળી માતાના મંદિરમાં, પણ જતાંની સાથે જ ભયભીત બની દોડતા બહાર આવી ગયા. થોડેક આગળ આવ્યું મહાદેવનું મંદિર, અંદર પહોંચતાં જોયું શિવલિંગ ! આંખ ઝીણી કરીને બારીકાઈથી ચારે બાજુ ધારીધારીને જોવા લાગ્યા. સહેજ વિચારમાં પડ્યા અને દર્શન-પૂજન કર્યા વિના જ પાછા બહાર આવ્યા !
આગળ વધતાં આવ્યું પરમાત્મા ઋષભદેવ ભગવાનનું સુંદર જિનાલય ! અંદર પ્રવેશતાં પરમાત્માનાં દર્શન થયાં! હૈયું હર્ષના હિલોળે ચડ્યું! ભાવવિભોર બનીને પૂજા કરી. મન મૂકીને પ્રભુની ભક્તિ કરી.
ખાસ્સા બે કલાક પરમાત્માનાં દર્શન-વંદન-પૂજન-ભક્તિમાં પસાર કરીને પહોંચ્યા મહારાજાની પાસે ! પરમાત્મભક્તિનો આનંદ હૈયે ઊભરાતો હતો. મુખ ઉપર પ્રસન્નતા છલકાતી હતી. રાજા ગુસ્સે ભરાશે તેની જાણ હોવા છતાં ય ક્યાંય ભયનું કે ગભરાટનું નામનિશાન જણાતું નહોતું.
ધનપાળ કવિની પહેલાં ગુપ્તચરોએ બધી માહિતી રાજાને આપી દીધી હતી. પોતાના ભગવાન શંકરની પૂજા ધનપાળ કવિએ કરી નથી, જાણીને રાજા ક્રોધથી ધુવા,વાં થયેલો જણાતો હતો.
“કેમ કવિરાજ! મારી આજ્ઞાનું પાલન ન કર્યું?”
જી નામદાર ! આપની આજ્ઞાનું બરોબર પાલન કર્યું છે ને ! ભગવાનની બે કલાક સુધી પૂજા કરીને ચાલ્યો આવું છું.”
સાચું બોલો ધનપાળ કવિ ! તમે રાધાકૃષ્ણ-મહાકાળી કે મહાદેવનાં મંદિરમાં જઈને શા માટે વિપરીત વર્તન કર્યું?” હું ૧૫
જ વ્રત ધરીયે ગુરુ સાખી
