________________
પામો છો? અમારાં સાધ્વીજીઓમાં તો હવે આ સામાન્ય થઈ પડ્યું છે ! શું તમે જાણતા નથી? હું જ નહિ, લગભગ બધી સાધ્વીજીઓ આવી જ છે!”
અને આ શબ્દો સાંભળતાં જ શ્રેણિકના રોમેરોમ સળગી ઊઠ્યા ! સમગ્ર સાધ્વી સંસ્થા ઉપર થયેલો આ ખોટો બેહૂદો આક્ષેપ તેમનાથી સહન ન થઈ શક્યો. તેમણે રાડ પાડી, “ઓ પાપિણી! તું શું બોલે છે તેનું તને ભાન છે? આવું ભયંકર નિંદનીય અકાર્ય કરી પરમાત્માની પવિત્ર સાધ્વીજીઓ ઉપર આળ આપતાં તને શરમ નથી આવતી? ધિક્કાર છે તને અને તારી દુબુદ્ધિને! પરમાત્માનાં તમામ સાધ્વીજીઓ ખૂબ જ ઊંચું પવિત્ર અને સંયમી જીવન જીવે છે. તારા પાપને છાવરવા હવે પછી કદીય તેમને આવી ગાળો દેવાનું કુકાર્ય નહિ કરતી. હજુ સમય છે. જીવન સુધારવું હોય તો પહોંચી જા પરમાત્મા પાસે અને કરી લે તારાં પાપોની શુદ્ધિ! નહિ તો ભયંકર પીડા દેનારી દુર્ગતિ તો તૈયાર છે જ!”
શ્રેણિકના પ્રત્યેક શબ્દોમાં સમ્યગદર્શન ઝગારા મારતું હતું. તેના સમ્યગદર્શનથી પ્રભાવિત થયેલાં રાંક દેવે પોતાની માયા સંકેલી લીધી. ક્ષણવારમાં જ પેલા ગર્ભવતી સાધ્વીજી અદ્રશ્ય થઈ ગયાં. અને તે સ્થાને દેદીયમાન, તેજસ્વી, રૂપ-સૌંદર્યથી સોહામણો દેવ હાજર થઈ ગયો. તેણે કહ્યું, “મહારાજા શ્રેણિક! તમને કોટિ કોટિ વંદન. તમને જેટલા ધન્યવાદ આપું એટલા ઓછા! હું પોતે જ તે દાંક દેવ છું, જે થોડી વાર પહેલા સમવસરણમાં આવ્યો હતો.
દેવસભામાં ઈન્દ્ર મહારાજાએ તમારા સમ્યગદર્શનની દઢતાની ખૂબ પ્રશંસા કરી હતી. મને તેમાં અતિશયોક્તિ જણાઈ. તેથી પરીક્ષા કરવા આ ધરતી ઉપર આવ્યો. તમે પરીક્ષામાં ઝળહળતી સફળતા મેળવી છે. માછીમાર સાધુ કે ગર્ભવતી સાધ્વી તરીકેના વેશ પણ મેં જ ભજવેલા. હકીકતમાં તેવું નિંદનીય કાર્ય કરનારા ભગવાનનાં કોઈ સાધુ-સાધ્વી છે જ નહિ.પણ પરીક્ષા કરવા માટે મારે આ બધાં નાટક કરવાં પડ્યાં.
આવી કપરી પરીક્ષાના પ્રસંગોમાં પણ તમારા મનમાં ક્ષણ માટે ય લેશ માત્ર પણ ભગવાનનાં સાધુ-સાધ્વીજી પ્રત્યે દુર્ભાવ ન જાગ્યો. ક્યાંય શંકા ન પડી, તે તમારી મહાનતા છે. તમને જેટલી વંદના કરું તેટલી ઓછી છે. આપના જેવાનાં દર્શન કરીને હું પણ ધન્ય બની ગયો.” વગેરે પ્રશંસા કરીને તે દદ્રાંક દેવે શ્રેણિક મહારાજાને દિવ્ય વસ્ત્ર તથા હાર આપીને વિદાય લીધી.
પણ શ્રેણિકનું મન તો પોતાને થનારી નરક અને તેનાં દુઃખોના વિચારોમાં ગરકાવ હતું. તેમાંથી મુક્તિ મેળવવાની તીવ્ર ઝંખના હતી. પરમાત્માએ બતાવેલા ત્રણેય ટુચકાનો
અમલ કરવા તેણે પ્રયત્ન કર્યો પણ ક્યાંય તેને સફળતા ન મળી. હતો . ૨૬
ધરીયે ગુરુ સાખ ,
