________________
હવે નરકમાં જવાનું નિશ્ચિત જણાતાં શ્રેણિકને ખૂબ જ આઘાત લાગ્યો. અત્યંત ખેદ પામેલા તેણે પરમાત્માને કહ્યું, “હે કરુણાનિધાન ! આપના જેવા વિશ્વના જીવ માત્ર પ્રત્યે અપાર કરુણા વહાવનારા નાથ મને મળવા છતાં નારે નરકમાં જવું પડશે એ મહાખેદની વાત છે.” ત્યારે પરમાત્માએ તેને આશ્વાસન આપતાં કહ્યું કે, “હે શ્રેણિક! ખેદ કરવાનો કોઈ અર્થ નથી કારણ કે ભવિતવ્યતા તેવી જ છે. બળવાન ભાવિને બદલવાની કોઈની તાકાત નથી. પાપની પ્રશંસા કરીને બાંધેલું નિકાચિત કર્મભોગવ્યા વિના ચાલવાનું નથી.
પણ તારા માટે એક અત્યંત આનંદની વાત એ છે કે, અત્યંત દઢ અને નિર્મળ સમ્યક્ત્વના પ્રભાવે તું નરકમાંથી નીકળ્યા બાદ મારા જેવો જ ભગવાન બનવાનો છે ! આવતી ચોવીસીના પ્રથમ તીર્થંકર પદ્મનાભસ્વામી બનવાનું સદ્ભાગ્ય તે સમ્યગદર્શનના પ્રભાવે પ્રાપ્ત કર્યું છે. સમ્યગદર્શનના પ્રભાવે તે જે આ મેળવ્યું છે, તેની સામે માત્ર ૮૪૦૦૦ વર્ષનાં પહેલી નરકનાં દુઃખો શું વિસાતમાં? માટે ખેદ કર્યા વિના આવનાર બળવાન ભાવિને પ્રસન્નતાપૂર્વક સ્વીકારવા તૈયાર થા.”
પોતે ભગવાન બનવાના છે, એવી વાત ભગવાન પાસેથી સાંભળતાં જ તેના સાડા ત્રણ કરોડ રુંવાડા ખડાં થઈ ગયાં. શરીર રોમાંચિત થઈ ગયું. હૈયે હર્ષ ઊભરાયો. પ્રસન્નચિત્ત બનેલા તે મહારાજા શ્રેણિક પોતાના મહેલે પાછા ફર્યા.
એક પણ વ્રત-પચ્ચખાણ ન કરી શકવા છતાંય મહારાજા શ્રેણિક સાક્ષાત્ ભગવાન બનવાની કક્ષા સુધી પહોંચ્યા, તેમાં પ્રભાવ આ સમ્યગ્દર્શનનો છે. આપણે પણ તેમનાં જેવું દઢ અને નિર્મળ સમ્યગદર્શન પામવાનું છે. ટકાવવાનું છે.
આ સમ્યગદર્શનના સ્વીકાર-પાલન-સંવર્ધન તથા સ્થિરીકરણ માટે જુદા જુદા સડસઠ (૬૭) બોલ શાસ્ત્રોમાં જણાવ્યા છે.
દાનાદિકિિરયા નવિ ટીમે,
સમકિતવિણ શિવશર્મ, તે માટે સમકિત વડું,
જાણો પ્રવચન મર્મ. દાન શીલ - રપ વગેરે સર્વ ક્રિયાઓ સમકિત વિના મોક્ષસુખ આપતી નથી, માટે સમકિતમુખ્ય છે. તેવા પ્રવચનના રહસ્યને જાણો."
ઉપા. યશોવિજયજી હકીટ ૨૭ શિિિા ાિીિ વ્રત ધરીયે ગુરુ સાખ ,
