________________
દૂર કરે છે. રા . ભાવાર્થ જે વિદ્વાન જિનધર્મની પૂજા કરે છે, પ્રશંસા કરે છે, તેનું ધ્યાન કરે છે અને તેનું અધ્યયન કરે છે તે જિનધર્મ માનવના માનવધર્મને ઉજાગર કરે છે, પાપનો નાશ કરે છે, ઉન્માર્ગનું ઉત્થાપન કરે છે, ઈર્ષ્યાને દૂર કરે છે, અન્યાયને ઉખેડીને ફેંકી દે છે (અસત્ય) મિથ્યાત્વની બુદ્ધિનું મંથન કરીને એનો નાશ કરે છે, વૈરાગ્ય ભાવમાં વધારો કરે છે, કરુણાની પુષ્ટી કરે છે અને માનસિક તૃષ્ણાની તો ચોરી જ કરી દે છે એને દૂર કરી દે છે.
વિવેચનઃ વિદ્વાન પુરુષો દ્વારા પૂજિત, પ્રશસિત, ધ્યાયિત અને અધિત જિનધર્મ માનવામાં રહેલા માનવધર્મને જાગૃત કરે છે. અર્થાત્ માનવજીવનના કર્તવ્યોમાં મોક્ષ પુરુષાર્થ સર્વશ્રેષ્ઠ પુરુષાર્થ છે એનું જ્ઞાન કરાવીને એને જાગૃત કરે છે. જિનધર્મ સર્વ પાપોનો નાશ કરે છે. ઉન્માર્ગનું ઉત્થાન કરે છે, અર્થાત્ જીવોને સતર્ એમના ઉત્થાનનો સન્માર્ગ જ દર્શાવે છે. ઉન્માર્ગે ચાલનારાઓને ઉન્માર્ગની ભયંકરતા સમજાવે છે જેથી તેઓ ઉન્માર્ગથી સન્માર્ગમાં આવી જાય છે. ઈર્ષ્યાને દૂર કરે છે. જિનધર્મ સર્વે જીવોને પોતાના જેવા માનવાનું કહે છે જેથી કોઈ જીવ પર ઈર્ષ્યા આવે જ નહીં, અન્યાયને ઉખેડીને ફેંકી દે છે. ન્યાયમાર્ગની નીંવ પર ટકી રહેલો જિનધર્મ અન્યાયની જડને જ ઉખેડીને ફેંકી દે છે. કારણ કે જિનધર્મ લોભ અને પરિગ્રહ સંજ્ઞાને પાપનું મૂળ કારણ સમજાવે છે. અને એ બેની પુષ્ટિ માટે જ અન્યાય માર્ગ છે એ બેને જ ઉખેડીને ફેંકી દેવાનો ઉદ્ઘોષ કરનાર જિનધર્મ જ છે તેથી તે અન્યાયને ઉખેડીને ફેંકી દેનારો કહેવામાં આવ્યો છે. મિથ્યાત્વ બુદ્ધિનું મંથન કરીને નાશ કરે છે. અર્થાત મિથ્યાત્વ ગ્રંથીના ભેદનની વાત જિનધર્મે જ કરી છે. બીજે કયાંય આવી વાત જ નથી. તેથી તેને (મિથ્યાત્વને) મંથન કરીને નષ્ટ કરવાનું કહ્યું છે. જિનધર્મ જ વીતરાગતાની વાત કરે છે. તેથી તે ધર્મ વિરાગભાવ વૈરાગ્યભાવનો વિસ્તાર કરાવનાર છે. જિનધર્મ જેવી કરુણા બીજે શોધી જડે એમ જ નથી. સુક્ષ્મમાં સૂક્ષ્મ જીવની પણ વિરાધનાથી બચવાનું કહીને જિનધર્મે કરુણાની પુષ્ટી કરી છે. અને આત્મામાં માનસિક તૃષ્ણાને રહેવા જ ન દેનાર જિનધર્મ વાસ્તવમાં માનસિક તૃષ્ણાની ચોરી કરનાર જ છે.રા
એ પ્રમાણે ચાર શ્લોકમાં જિનધર્મની મહત્તાનું સંક્ષેપમાં સ્વરૂપ દર્શાવીને એ જિનધર્મને આચરણામાં મૂકનાર જે સંઘ તે સંઘ કેવો હોય, તે સંઘની પૂજાથી શું મળે ઈત્યાદિ વાતો ગ્રન્થકારશ્રીએ આગળના શ્લોકમાં કહી છે.
સંઘ પ્રકરણમ્
છંદ્ર - શાર્દુત્વવિક્રીતિવૃત્ત रत्नानामिवरोहणक्षितिधरः खं तारकाणामिव,
स्वर्गः कल्पमहीरुहामिव सरः प.हाणामिव;
