________________
સંપાદન-સંશોધનની વેળાએ પ્રાસ્તાવિક
વળી, ગાથા-૧૩માં ષોડશકની સાક્ષીથી ચૈત્યવંદનના અંતે જયવીયરાયસૂત્રરૂપ પ્રણિધાન છે તેથી પ્રણિધાનાદિનો વિરહ છે, એમ બતાવીને દ્રવ્યસ્તવને તુચ્છ માનવાની આપત્તિનું નિરાકરણ કરતાં ગ્રંથકારશ્રીએ કહ્યું છે કે, સર્વ પણ જિનપૂજા અપ્રધાનપણાથી દ્રવ્યરૂપ નથી, પરંતુ અપૂર્વત્વ પ્રતિસંધનાદિ દ્વારા દ્રવ્ય અને ભાવનો ભેદ છે.
* વળી, ગાથા-૧૩માં ચૈત્યવંદનાના અંતે કરાતું પ્રણિધાન વિશિષ્ટતર કેમ છે, એમાં પૂજાપંચાશક ગાથા-૨૯, ૩૦, ૩૧ની સાક્ષી આપેલ છે.
વળી, ગાથા-૧૩માં કહ્યું કે, જયવીયરાય સૂત્રમાં કરાતી પ્રાર્થના બોધિ પ્રાર્થનાની જેમ મોક્ષાંગ પ્રાર્થના હોવાથી નિદાનરૂપ નથી, અને તેમાં પૂજાપંચાશક ગાથા-૩૬/ ૩૭ની સાક્ષી આપેલ છે.
વળી, ગાથા-૧૩માં દિગંબર ગ્રંથની સાક્ષી આપવાપૂર્વક અને પૂજાપંચાશક ગાથા-૩૮/૩૯ની સાક્ષી આપવાપૂર્વક નિરભિમ્બંગ તીર્થંકરત્વની પ્રાર્થનાને અદુષ્ટ કહેલ
છે.
આ રીતે અનેક ગ્રંથોની સાક્ષીથી સભર આ ગ્રંથમાં કૂપદ્મષ્ટાંતની સંગતિ ગ્રંથકારશ્રીએ કરેલ છે, અને સાથે સાથે અનેક આનુષંગિક પદાર્થોનું વર્ણન કરેલ છે. ગાથા-૧૩ની અવતરણિકાનો પાઠ આ અગાઉ પ્રકાશિત થયેલ મુ. પુ. માં અપૂર્ણ છે. તેથી અંધેરી ગુજરાતી જૈન સંઘ તરફથી પ્રકાશિત થયેલ મુ. પુ. [ ] માં એ પાઠનું જોડાણ વિવેચનકારશ્રીએ કરેલ છે, ત્યાં અમે એ પાઠના સ્થાને અમને ઉચિતસંગત જણાતો પાઠ [ ] આપેલ છે, અને એ મુજબ અર્થ કરેલ છે. હસ્તલિખિત પ્રતના આધારે બીજી પણ પાઠશુદ્ધિ કરેલ છે અને ઉદ્ધરણ પાઠોમાં પણ તે તે ગ્રંથના આધારે શુદ્ધિ કરેલ છે.
આ ગ્રંથના પ્રૂફ સંશોધન કાર્યમાં સા. ચારુનંદિતાશ્રીજીના શિષ્યા સા. હિતરુચિતાશ્રીજી તથા સુશ્રાવક શાંતિલાલ શિવલાલ શાહનો સુંદર સહયોગ સાંપડેલ છે. સુ. શાંતિભાઈ અત્યંત જ્ઞાનરુચિ ધરાવે છે અને ગીતાર્થ ગંગાથી પ્રકાશિત થતા ગ્રંથોના પ્રુફ સંશોધનમાં ખૂબ સુંદર સહયોગ આપે છે. જેથી કાર્ય અંગે ઘણી સુગમતા ૨હે છે અને તેઓ પોતાને આવા ગ્રંથરત્નના સ્વાધ્યાયની તક મળે છે, તે બદલ ધન્યતા અનુભવે છે.
પ્રાન્તે અંતરની એક જ મહેચ્છા છે કે, દેવ-ગુરુની અસીમ કૃપાદૃષ્ટિથી સ્વઆત્મપરિણતીની નિર્મળતા માટે કરાયેલો આ પ્રયાસ સર્વને લાભનું કારણ બને, અને
