________________
આજે પાખીનો દિવસ હોવા છતાં એવું સાંભળવામાં આવ્યું છે કે કે, કોઈની પેઢી થોડી વાર માટે ખૂલી હતી. માટે હું એમ ઇચ્છું છું કે, જેના હાથે આ મર્યાદાભંગ થયો હોય, એ
વ્યક્તિ જાતે જ પોતાની ભૂલને જાહેરમાં કબૂલ કરે અને સંઘ પાસે મર્યાદાભંગ કરવા બદલ પ્રાયશ્ચિત્તની માંગણી મૂકે.
સભામાં સન્નાટો છવાઈ ગયો. મૌનના પડદાને ચીરતા નગરશેઠ તરત જ ઊભા થઈ ગયા. નતમસ્તકે એમણે ભૂલની કબૂલાત કરતાં કહ્યું કે, મારી જ પેઢી પરથી આજે નોકર દ્વારા થોડુંક વેચાણ થયું છે, એ હું કબૂલ કરી લઉં છું તેમજ પાખીના ભંગ બદલ જે પ્રાયશ્ચિત્ત સંઘ ફરમાવે, એ તો મારે શિરોધાર્ય જ કરવાનું હોય. આમ છતાં હું સંઘને એટલી વિનંતી કરું છું, કે, હું જાતે જ મર્યાદાભંગ બદલ સંવત્સરીના દિવસે પ્રાયશ્ચિત્ત-દંડ જાહેર કરવા માંગું છું. સંઘ મારી આટલી માંગણી જરૂર સ્વીકારે. હું જે દંડ જાહેર કરીને સ્વીકારીશ, એ ઓછો જણાતો હોય, તો સંઘ એમાં જે પણ, જેટલો પણ વધારો સૂચવશે, એને હું સહર્ષ સ્વીકારી લઈશ. સકળ સંઘ મારી આટલી વિનંતી સ્વીકારવાની કૃપા કરે!
પૂરા રામપુરામાં સવારથી જ જાગેલી ચર્ચા અને ચકચાર જલદી શમે, એમ લાગતું ન હતું, પણ નગરશેઠની નમ્રતાપૂર્વકની આટલી કબૂલાત, અને આ પછીની વિનમ્ર વિનંતી સાંભળીને સભા એકદમ દિંગ બની ગઈ. તેમજ એ ચર્ચા અને ચકચાર પર એવો પોલાદી પડદો પડી ગયો કે, જાણે કોઈ ચકચાર કે ચર્ચા જાગી જ ન હોય ! શેઠની વિનંતી સંઘ દ્વારા સ્વીકૃત થઈ જતાં એક તરફ સ્વપ્ન દર્શન અંગેનો કાર્યક્રમ અનેરા ઉલ્લાસપૂર્વક આગળ વધવા માંડ્યો, બીજી તરફ સૌના દિલદિમાગમાં એ જ પ્રશ્ન પડઘાવા માંડ્યો કે, પોતાની ભૂલ બદલ નગરશેઠ પોતે કેવો પાપ-દંડ જાહેર કરશે અને સંઘ એને માન્ય રાખી
જૈનશાસનના જ્યોતિર્ધરો ભાગ-૩ મ ર જી
-
છે.
