________________
તોડી લાવવા જોવી શરત મૂકો, તોય તારા તોડી લાવવાની મારી તૈયારી છે. બોલો શી શરત છે ?
શિલ્પીને માત્ર શેઠની ઉદારતાની પરીક્ષા જ લેવી હતી. એથી એણે કહ્યું કે, મંદિરના પાયાનું ચણતર જો પાણીના બદલે ઘીથી કરવાની ઉદારતા આપને શિરોધાર્ય હોય, તો આપના મનોરથથી સવાયું સર્જન કરી આપવા હું વચનબદ્ધ બનવા તૈયાર છું.
શેઠ આ સાંભળીને ખુશખુશાલ બની ગયા. એમણે આ શરત સ્વીકારી લેતાં કહ્યું કે, ઓહ ! આટલી સહેલી શરત ? ઘીનો તો હું વેપારી જ છું. પાયો જ શા માટે, સંપૂર્ણ મંદિરના ઘડત૨-ચણતરમાં ઘી વાપરવા માંગતા હો, તોય મારી તૈયારી છે.
શેઠની આવી તૈયારી જોતાં જ શિલ્પીને શેઠની ઉદારતાનો સાક્ષાત્કાર થઈ જવા પામ્યો. એણે કહ્યું કે, શેઠ ! મારે તો આપની ઉદારતાનું જ માપ કાઢવું હતું. બાકી પાયા તો પાણીથી જ પુરાય, એમાં કંઈ ઘી ઠાલવવાનું ન હોય. આપે જે ઉદારભાવના દર્શાવી એથી મારો ઉત્સાહ કેઈ ગણો વધી જવા પામ્યો. આપ શુભ ઘડીપળ જોવરાવો, જેથી મંદિરનું કાર્ય વહેલી તકે શરૂ થઈ શકે. શરતની વાતને એક જાતની મજાકથી વધુ ન ગણવાની વિનંતી.
શેઠે જવાબમાં જણાવ્યું કે, મંદિરના પાયા પૂરવામાં ઘી વપરાય, આ જાતના સદુપયોગનો લાભ મને ક્યારે મળવાનો ? માટે પાયા જો પોલાદી ન બની શકે, તો જુદી વાત, બાકી ઘીથી પણ જો પાયા પૂરી શકાતા હોય, તો આ મંદિરના પાયા ઘીથી જ પૂરવાની મારી ભાવના છે. આ ભાવનામાં ભંગ ન પાડવા, હું વીનવું છું.
જૈનશાસનના જ્યોતિર્ધરો ભાગ-૩ * •
