________________
મારી રીતે શુદ્ધ ભોજન જાતે જ તૈયાર કરવું પડશે. આટલું | કહીને બ્રાહ્મણે શુદ્ધિના કારણ તરીકે ચોકાની ચોખ્ખાઈ, અબોટ વસ્ત્રો, સ્નાનશુદ્ધિ વગેરે હેતુઓ જયારે આગળ ર્યા, ત્યારે તકને સાધી લઈને અહંદુદાસે તીર તાકતાં કહ્યું : નદીસ્નાન જો પાપશુદ્ધિ કરાવી શકતું હોય, તો નદીના જળથી આહારશુદ્ધિ શક્ય ન બને શું? આટલી બધી ઝંઝટ કરવા કરતાં, નદીના જળનો છંટકાવ કરી દો, તો ગમે તેવું અશુદ્ધ ભોજન શુદ્ધ કેમ ન થઈ શકે?
બ્રાહ્મણને માટે બીજી વાર મૌન બની જવું પડ્યું. નદીસ્નાન દેહ ઉપરાંત જો પાપશુદ્ધિ કરવા પણ સમર્થ નીવડતું હોય તો પછી એના દ્વારા ભોજનથાળની શુદ્ધિ કેમ ન થાય, આ સવાલ સાચો હતો. આ એક જ સવાલ બ્રાહ્મણના દિલ-દિમાગમાં પ્રશ્નોના તરંગો સરજી ગયો. જૈનધર્મ તરફ વૃત્તિ-પ્રવૃત્તિમાં ભારોભાર અહોભાવ તો જાગ્રત થઈ જ ચૂક્યો હતો. એથી બાળકની અદાથી જિજ્ઞાસુ બનીને એ અહંદુદાસના ચરણનો ચાકર બની ગયો. અને એક પછી એક પ્રશ્ન રજૂ કરતા રહીને એણે થોડા દિવસોમાં જિનધર્મની તલસ્પર્શી માહિતી મેળવી લીધી આમ, ઉજ્જયિનીનું આગમન એના જીવનમાં ધર્મના સૂર્યોદયમાં નિમિત્ત બની જવા પામ્યું. ઉજ્જયિનીમાં પ્રવેશ કર્યો ત્યારે એ ચુસ્તવૈદિક હતો, વિદાય ટાણે એ શ્રદ્ધાળુ જૈન બની ચૂક્યો હતો.
આ પછી તો બ્રાહ્મણ રુદ્રદત્ત પરમશ્રાવક રુદ્રદત્ત તરીકે ધીમે ધીમે બેનાતટમાં પણ પ્રખ્યાત બનતો ચાલ્યો. વેદ-પુરાણ કરતાં પણ જૈન શાસ્ત્રોમાં વધુ પારંગતતા પામીને જ્ઞાનસ્ય ફલ વિરતિઃ આ સૂત્રને સાર્થક બનાવવા પરમાઈત્ રુદ્રદત્તે એક દહાડો ગીતાર્થ ગુરુનાં ચરણે સંયમજીવનનો સ્વીકાર કર્યો. જિનધર્મ તરફની આસ્થાને અસ્થિમજજાવત્ આત્મસાત કરી અને
જૈનશાસનના જ્યોતિર્ધરો ભાગ-૩
9
