________________
પોતાની સામેના આ પડકારથી જરાક છંછેડાયેલા ht સિદ્ધરાજે થોડાક આવેશમાં આવી જઈને સંભળાવી દીધું કે! મહારાજ! ગુજરાત છોડીને બીજા પ્રદેશમાં વિચરણ કરો, ‘ પછી ખબર પડશે કે, રાજ્યાશ્રયનો પ્રભાવ કેવો છે! - સત્યને સમજવા માટે પણ અમુક યોગ્યતા-ભૂમિકા હોવી જરૂરી ગણાય. બહુ ખેંચવામાં સાર ન જોઈને શ્રી વીરસૂરિજી મહારાજે મનોમન નક્કી કરી નાખ્યું કે, ગુજરાત બહારના પ્રદેશમાં વિચરવાની વાતમાં આમ તો સિદ્ધરાજ સંમત થાય, એવી શક્યતા નથી પણ આજે એમના મોઢામાંથી વાતવાતમાં જે શબ્દો સરી પડ્યા છે એને સંમતિ માની લઉં, તો ગુજરાત બહાર જવાની છૂટ મળી ગઈ ગણાય. અન્યત્ર વિચરણ કરવાની આ સારી તક છે. આ તક સાધી લેવાથી સાધુ તરીકે જૈનાચાર્યમાં કેવું સ્વમાન હોવું જોઈએ, એનો ખ્યાલ આવશે અને એથી જ પોતાની ભૂલ સમજાઈ જતાં એને સુધારી લેવાની બુદ્ધિ પણ સિદ્ધરાજમાં જાગશે.
મનોમન લઈ લીધેલા આવા નિર્ણયનો જરા પણ અણસાર આવવા દીધા વિના શ્રી વરસૂરિજી મહારાજ એકાદ દિવસમાં જ ઝડપી વિહાર દ્વારા ગુજરાત બહારના પ્રદેશમાં પહોંચી જઈને વિચરણ કરવા માંડ્યા. એમની કીર્તિ તો ગુજરાત કરતાંય અન્યત્ર વધુ ગાજી રહી હતી. એથી ઠેર ઠેર ગુજરાત કરતાંય સવાયું માન-સન્માન પામતા એઓશ્રી રાજસ્થાનમાં પાલી આસપાસના પ્રદેશમાં વિચરી રહ્યા. એ વિચરણ જે રીતે પુણ્ય-પ્રભાવક બની રહ્યું હતું, એની રોમાંચક વાતો ફેલાતી ફેલાતી પાટણમાં પહોંચી, ત્યારે જ સિદ્ધરાજને એવો ખ્યાલ આવવા પામ્યો કે, અભિમાન અને આવેશમાં આવી જઈને મેં જે ભૂલ કરી છે, એનું પ્રાયશ્ચિત્ત કરાવવા જ શ્રી વીરસૂરિજી મહારાજ પાલી પહોંચી ગયા લાગે છે.
જૈનશાસનના જ્યોતિર્ધરો ભાગ-૩
990
