________________
૧૦ આહિસા/અભયનો અવતાર
જાત જળવાતી હોય, તોય અન્યને અભયદાન આપનારી કરુણાનો આજે કારમો દુકાળ પડ્યો છે. આજે સુકાળ છે : માત્ર એવી ક્રૂરતાઓનો, જે અન્યની કબર ખોદીનેય ત્યાં પોતાનું ઘર ચણતી હોય ! આવા આ યુગમાં થોડોક જ જૂનો એ ભૂતકાળ સહેજે - સહેજે યાદ આવી જાય છે, જ્યારે જાતના જોખમેય અન્યને અભય આપનારા જીવદયાના જ્યોતિર્ધરો ઠેર-ઠેર પ્રકાશ પાથરતા જોવા મળતા હતા.
મેરશાહ આવા જ એક જ્યોતિર્ધર હતા. એમના જીવનનો એક પ્રસંગ એમ કહી જાય છે કે, જાન-જાતને જોખમમાં મૂકીનેય જીવોની જતના કરવાની કમનીય કરુણાના તેઓ ઝરણાં હતા. જૈનત્વથી જ્વલંત કુળ-સંસ્કારો એમને ધાવણમાં જ પીવા મળ્યા હતા. અને વીરતાની તો તેઓ મૂર્તિ જ હતા! એથી જોધપુર જેવા રાજ્યનું મંત્રીપદ મળવા છતાં તેઓ પોતાની આ વીરતાને તલવારનું નહિ, ઢાલનું જ કર્તવ્ય અદા કરવામાં જોડતા ! એમની વીરતા જીવદયાના સંસ્કાર પામીને વધુ વિખ્યાતિ મેળવી શકી હતી.
જૈનશાસનના જ્યોતિર્ધરો ભાગ-૩
8
-
