________________
વરસૂરિજી મહારાજ પાટણ તરફ પધારશે. આવા આશાવાદ સાથે મંત્રીઓ પાટણ તરફ વિદાય થયા, પાટણ પહોંચીને એમણે જે માહિતી દર્શાવી, એ સાંભળીને સિદ્ધરાજને પણ એવી આશા બંધાઈ કે, થોડાક જ સમયમાં મારી ભાવના ફળીભૂત બન્યા વિના નહિ જ રહે.
સિદ્ધરાજ તરફ એવો ને એવો અભાવ હોવા છતાં શ્રી વીરસૂરિજી મહારાજ હજી પાકી ચકાસણી કરવા માંગતા હતા કે, સિદ્ધરાજ સાચે જ પ્રાયશ્ચિત્ત કરવા માગે છે કે માત્ર વ્યવહાર ખાતર જ મને આમંત્રવા માંગે છે ! જો બીજી વાર પણ મંત્રીઓ પાછા વિનંતી માટે આવે, તો સિદ્ધરાજના પાટણ પધારવાના આગ્રહને દેખાવ નહિ, ભાવના ગણીને એ ભાવના-પૂર્તિ માટે પગલું ઉઠાવવાનો નિરધાર કરીને શ્રી વીરસૂરિજી મહારાજ રાજસ્થાનમાં જ વિચરતા રહ્યા.
સિદ્ધરાજના હૈયામાં પ્રાયશ્ચિત્ત કરવાની જાગેલી ભાવના સાચી હતી, એથી એમણે પોતાના અંગત માણસો દ્વારા એવી તપાસ ચાલુ રાખી હતી કે, શ્રી વરસૂરિજી મહારાજનો વિહાર ગુજરાત તરફ થયો કે નહિ ? આ તપાસમાં જ્યારે એવું જાણવા મળ્યું કે, વિચરણક્ષેત્ર હજી રાજસ્થાન જ છે. ત્યારે એમણે બીજી વાર મંત્રીઓને શ્રી વીરસૂરિજી મહારાજની સેવામાં આગ્રહપૂર્ણ વિનંતીપત્ર સાથે રવાના કર્યા.
પાલી આસપાસ જ વિચરણ કરી રહેલા શ્રી વીરસૂરિજી મહારાજની સમક્ષ એક દહાડો જ્યાં પાટણના મંત્રીઓ ઉપસ્થિત થયા અને ભક્તિભાવિત બનીને એમણે સિદ્ધરાજ વતી જે રીતે વિનંતી દોહરાવી, એ સાંભળીને રાજસ્થાનવાસી ભાવિકોને ખાતરી થઈ ગઈ કે, ગુજરાતનું ભાગ્ય પ્રબળ છે, એથી માંડ માંડ પોતાના આંગણે આવેલી ધર્મગંગા પાછી ગુજરાતની દિશામાં જ વળી જશે.
જૈનશાસનના જ્યોતિર્ધરો ભાગ-૩ % હૈં
