________________
વધુ પૂજ્ય ગણાય. આનાં થડ, ફલ, ફૂલ, શાખા, પાંદડાં બધું જ દેવાશ્રિત હોવાથી પરમ પૂજનીય ગણાય.
બ્રાહ્મણની આવી અશ્રદ્ધેય વાત સાંભળીને અર્હદાસને હસવું આવી ગયું. એણે હાસ્યને રોકવાપૂર્વક સણસણતો સવાલ કર્યો કે, દેવો હાજરાહજૂર હોય તો મારા પગ નીચે આ પીપળાનાં પાંદડાં ચગદાઈ રહ્યાં છે, એથી મને કોઈ પ્રત્યક્ષ પરચો જોવા મળવો જ જોઈએ ને ? આવો થોડોઘણો પણ પરચો મને જોવા મળે, તો હું તમારા કરતાં પણ વધુ શ્રદ્ધાપૂર્વક આ પીપળા-દેવનો પૂજારી બની જવા તૈયાર છું. બોલો, તમે તમારા પીપળા-દેવને વિનંતી કરીને આવો કોઈ પરચો મને દર્શાવી શકો એમ છો ખરા ?
સણસણતો આ સવાલ હતો. બ્રાહ્મણ પાસે આનો કોઈ જ જવાબ ન હોવાથી થોડાક આવેશમાં આવી જઈને એણે વેધક સવાલ કર્યો કે, અર્હદાસ ! એક વાર માની લઈએ કે, મારા દેવ પરચો બતાવવા સમર્થ નથી. પરંતુ તમે જે દેવને માનો-પૂજો છો એ તો સર્વ શક્તિમાન છે, એવો તમારો દાવો અને વિશ્વાસ છે ને ? તો તમે મને તમારા દેવનો
પરચો બતાવવામાં સફળ સાબિત થાવ, તો હું તમારો દાસ બની જાઉં અને તમારા ધર્મની દાસાનુદાસ બનીને ઉપાસના કરવા માંડું.
કાળજાને વીંધી જાય, એવો આ કટાક્ષ હતો, પણ અર્હદાસની ધર્મશ્રદ્ધા થોડી પણ ચલ-વિચલ થઈ જાય, એવી તકલાદી ન હતી, પોલાદી વિશ્વાસ સાથે એણે બ્રાહ્મણનો પડકાર ઝીલી લીધો અને દૃઢ પ્રણિધાનપૂર્વક એણે મનોમન નમસ્કાર મંત્રનો જાપ શરૂ કરી દીધો. હજી તો બેત્રણ નવકારનો જ જાપ થયો ન થયો ત્યાં જ પરચાની પ્રત્યક્ષ પ્રતીતિથી અકળાઈ ઊઠેલા બ્રાહ્મણે કહ્યું : અર્હાસ ! સાચે
જૈનશાસનના જ્યોતિર્ધરો ભાગ-૩ 7
