________________
શકે, પણ આભુ શેઠ આવું વિશાળ-મન અને સાધર્મિક | તરફનો ભક્તિભાવ કઈ રીતે મેળવી શક્યા હશે? આભુ શેઠનું પારખું એમની ગેરહાજરીમાં જ થયું હોવા છતાં તેઓ અગ્નિ-પરીક્ષામાં ઝળકતા સુવર્ણ જેવી જવલંતા જાળવી શક્યા હતા, બાકી એમની ગેરહાજરી ન હોત, તો તો એ
જ્વલંતતાની આગળ અંતર અને આંખ એકદમ અંજાઈ ગયા વિના ન જ રાહત.
પરીક્ષા અને પારખું કરવાની પળ વીતી ચૂકતાં હવે પ્રણામ, પૂજયતા અને અહોભાવની અભિવ્યક્તિ કરવા મંત્રીશ્વરનું મન તલપાપડ બન્યું હતું. પોતાના આગમન પાછળનું થોડુંક પ્રયોજન વ્યક્ત કરીને મંત્રીશ્વર સીધા જ એ પૌષધશાળા તરફ ગયા કે, જ્યાં ગુરુ-નિશ્રાની ગોદમાં કોઈ બાળકની અદાથી આભુ શેઠ પૌષધ-વ્રતનું પરિપાલન કરી રહ્યા હતા.
પૌષધશાળામાં પ્રવેશીને મંત્રીશ્વરે જે દશ્ય જોયું, એથી એઓ છક થઈ ગયા. ગુરુદેવની નિશ્રામાં આભુ શેઠ સહિત કેટલાય શ્રેષ્ઠીઓ પૌષધના ગણવેશમાં સજ્જ હતા અને સૌનો સહિયારો સ્વાધ્યાય ઘોષ જાણે પૌષધશાળાને શ્રુતની સંગીતશાળામાં પલટાવી રહ્યો હતો. સ્વાધ્યાયની થોડીક સુરાવલી માણ્યા બાદ મંત્રીશ્વર ગુર્વાજ્ઞા મેળવીને આભુ શેઠની સમક્ષ બેઠા. મંત્રીશ્વરની પિછાણ ન હોવા છતાં એમની આંખમાં ઝળઝળિયાં જોઈને આભુ શેઠની આંખમાં આશ્ચર્યચકિતતા જોવા મળતાં જ મંત્રીશ્વરે ખુલાસો કર્યો કે, આ સ્થળ પૌષધશાળાનું છે અને આપ પૌષધવ્રતધારી છો. માટે મારે વાત ટૂંકમાં જ રજૂ કરવી રહી. હું આપને સવારે આભુ શેઠ તરીકે ઓળખી ગયો, પણ આપે મને ઝાંઝણ તરીકે નહિ પિછાણ્યો હોય ?
જૈનશાસનના જ્યોતિર્ધરો ભાગ-૩
$
$
•
