________________
1 રૂપિયા પણ ઓછા પડે! જ્યારે ઘીના બિંદુનો પણ કસ
કાઢવાની કૃપણતા આ શેઠની વૃત્તિ-પ્રવૃત્તિમાં સ્પષ્ટ જોઈ શકાય છે. માટે મંદિરનું કાર્ય સ્વીકારતા પૂર્વે તો મારે શેઠની ઉદારતાની પરીક્ષા કરી જ લેવી જોઈએ, એમાં શેઠ ઉત્તીર્ણ થાય, તો જ મંદિરના નિર્માણની જવાબદારી સ્વીકારી શકાય. મનોમન આ વાતની ગાંઠ વાળીને શિલ્પીએ વાર્તાલાપ આગળ વધાર્યો.
ભાવનાની ભૂમિ પર અવતરિત મંદિરનું ચિત્ર જેમ જેમ શેઠ ખડું કરતા ગયા, એમ એમ શિલ્પી નિર્માણ પાછળના ખર્ચનો આંકડો વધારતો જ ગયો, પરંતુ શિલ્પીમાં એવી સમર્થતાનું દર્શન થતાં શેઠને એવો વિશ્વાસ બેસી ગયો કે, મારી ધારણા કરતાં સવાયું સર્જન જો કોઈ કરી શકશે, તો તે આ શિલ્પી જ કરી શકશે ! આવો વિશ્વાસ જાગતાં શેઠ નિર્માણ પાછળ ખર્ચના વધતા જતા એ આંકડાને સહર્ષ સ્વીકારતા જ ગયા. ત્યારે ધીરે રહીને શિલ્પીએ એક વિચિત્ર વાત કરી કે, શેઠ ! તમારી ભાવના તો ખરેખર ભવ્ય છે. આવું નિર્માણ હું જરૂર કરી આપીશ. પણ એક શરતને આપ શિરોધાર્ય કરો, તો જ આ જવાબદારી હું સ્વીકારી શકું!
શિલ્પીની આવી તૈયારી જોતાં જ ભાંડાશાહનો મનમોર નાચી ઊઠ્યો. આજ સુધી કોઈ શિલ્પીએ આવી તૈયારી દર્શાવી નહોતી. ઘણાબધા શિલ્પીઓએ તો શેઠની ભાવના મુજબ નિર્માણને અશક્ય જ જણાવીને શેઠની ભાવના સૃષ્ટિમાં ભારેમાં ભારે ભંગાણ પાડવાનું જ કાર્ય કર્યું હતું. એથી આ શિલ્પીની શરતને જાણવા ઉત્કંઠિત બનેલા શેઠે પ્રશ્ન કર્યો બોલો, શી શરત છે? ભાવના મુજબનું નિર્માણ કરી આપવાની તમારી તૈયારી હોય, તો આસમાનના તારા
# % જૈનશાસનના જ્યોતિર્ધરો ભાગ-૩
