________________
દેખાતું નથી ! તમારા આગમનથી મને આશ્ચર્ય થાય છે, તો તમારી આ વાત સાંભળીને તો હું મહાઆશ્ચર્ય અનુભવું છું.
ડાહ્યાભાઈએ ચોખવટ કરવા, પોતાના મસ્તક પર હાથ ફેરવતાં કહ્યું : કવિવર ! વસ્ત્રમાંથી જ ધોળી ધજા બને, એવું કોણે કહ્યું ! વાળમાંથી પણ ધજા સર્જાઈ શકે છે. આપણા બંનેના મસ્તક પર સમ ખાવા જેવોય એકે કાળો વાળ રહ્યો નથી. ધોળા વાળની આ ધોળી ધજા કહે છે કે, હવે તો યુદ્ધવિરામ જાહેર કરો ! અખબારને આંગણે કલમની કટારી ઉગામીને આપણે આપણી કલમને કલંકિત જ કરતા રહ્યા છીએ, આ શું યુદ્ધ નથી ? આ ધોળી ધજા લહેરાતી થયા પછીય આ યુદ્ધથી આપણે વિરામ ન પામીએ, તો દુનિયા કહેશે કે, આમના ધોળામાં ધૂળ પડી ! માટે ભૂતકાળને ભૂલી જઈને, હવે આપણે દિલ્લગીના દોરે બંધાઈએ !
યુદ્ધવિરામનો આ નાદ કવિવરના કાળજાને કૂણું બનાવી ગયો. એઓ વળતી જ પળે ઊભા થઈ ગયા અને ડાહ્યાભાઈને ભેટી પડતાં બોલ્યા કે, ખરેખર આજે તમે પર્યુષણ ઊજવી જાણ્યા! ધોળી ધજાનો આવો ઉપદેશ મને સમજાવવા બદલ તો તમારો ઋણી રહીશ જ ! પરંતુ સ્વમાનનું આવું સમર્પણ કરીને મારી વેરવૃત્તિને તમે ઠારી, એ બદલ સમાજ પણ તમારા ઋણમાંથી મુક્ત નહિ થઈ શકે ! યુદ્ધવિરામની આ વાત જેણે જેણે સાંભળી, એ બોલી ઊઠ્યા: આનું નામ પર્યુષણ ઊજવી જાણ્યા !
જૈનશાસનના જ્યોતિર્ધરો ભાગ-૩
8 8
-
-
