________________
શોભાયાત્રા નગરમાં આગળ વધતી વધતી જ્યાં બજારમાં આવવા લાગી, ત્યાં જ ભીડમાં ભારે વધારો થવા પામ્યો.
હાથી વફાદાર અને સૌથી વધારે શાણું પ્રાણી ગણાય, એથી ભારે ભીડ થવા છતાં ગભરાવાનું કોઈ જ કારણ ન હતું. પરંતુ બજારની એક પછી એક દુકાનો વટાવીને એક હાથી જ્યાં હંસરાજજી નામના એક શ્રાવકની દુકાનની નજીક આવ્યો, ત્યાં જ એનામાં આવતી જતી મદોન્મત્તતા પરખી જઈને મહાવતે એ હાથીને અંકુશમાં લેવાના પ્રયાસો આદરી દીધા. એ પ્રયાસોને ધારી સફળતા ન મળતાં મહાવતે અંતે તષ્ણ અંકુશનો આશરો લઈને એની અણી હાથીના ગંડસ્થળમાં ભોંકવા માંડી. અંતે અંકુશ લોહીથી ખરડાયો, પણ હાથીની ઉન્મત્તતા કાબૂમાં તો ન આવી, ઉપરથી એમાં વધારો થવા માંડ્યો.
કોઈને સમજણ પડતી ન હતી કે, હાથીમાં આવું પરિવર્તન કેમ આવ્યું હતું અને એમાં પાગલતાનો પ્રવેશ કોણે કરાવ્યો હતો? હંસરાજજીએ કોઈ એવું નિમિત્ત પૂરું પાડ્યું નહોતું કે, જેથી ગુસ્સે ભરાઈને હાથી પાગલ બને? છતાં એટલું ચોક્કસ કળી શકાતું હતું કે, હંસરાજજી પર નજર કરી કરીને હાથી એમની પર ગુસ્સો ઠાલવી રહ્યો હતો. આવા અકારણ ક્રોધના આવેશ જોઈને ઘણાને એવો ભય સતાવવા માંડ્યો કે, આ પાગલ હાથી હંસરાજજીને કચડી તો નહિ નાખે ને ?
આવા ભયથી ગભરાયેલા મહાવતે અંકુશના જોરદાર પ્રહાર કરવા દ્વારા હાથીને અંકુશમાં લેવાનો મરણિયો પ્રયાસ શરૂ કરી દીધો. પરંતુ મહાવતની એ તમામ મહેનત પર પાણી ફેરવી દઈને હાથી તો હંસરાજજીને હડપ કરી દેવા ધસમસતો એ દુકાન તરફ દોડી ગયો. હંસરાજજી પરિસ્થિતિ કળી ગયા
જૈનશાસનના જ્યોતિર્ધરો ભાગ-૩
8 8
જીરુ
-
છે
