________________
કળા છે. જૈનશાસનના જ્યોતિર્ધરો ભાગ-૩
૧૧
ભાવનાનું વિસ્તરતું જતું વર્તુળ
તળાવ વિશાળ હોય, એમાં એકાદ નાનકડી કાંકરી નાખવાથી પેદા થતું વર્તુળ પ્રારંભે ભલે સાવ નાનું જણાતું હોય, પણ એ વર્તુળ વિસ્તરતું વિસ્તરતું વિશાળ બનતું જઈને સમસ્ત તળાવને ઘેરી વળતું હોય છે. સાચા અને શુદ્ધ ભાવે થતી વૃત્તિ-પ્રવૃત્તિ તળાવમાં પેદા થતા કૂંડાળા-વર્તુળની જેમ વિસ્તરતી વિસ્તરતી એટલી બધી વિસ્તૃત થતી હોય છે કે, એની કલ્પના પણ ન આવી શકે.
કચ્છ-માંડવીની નજીક અબડાસા તાલુકામાં આવેલ કોટડી મહાદેવપુરા ગામ આજે તો તીર્થ સમું પ્રતિષ્ઠા પામી ચૂક્યું છે. જીર્ણોદ્વાર પછીનાં જિનમંદિરમાં પ્રભુ-પ્રતિષ્ઠા પણ થઈ ચૂકી છે અને ભોજનશાળા-ધર્મશાળા જેવી સુવિધાઓ જ્યાં સ્વપ્નેય સંભવિત જણાતી ન હતી, ત્યાં આ બધું સાક્ષાત્ ખડું થઈને અનેક યાત્રીઓને આ તીર્થ દિનરાત આમંત્રી રહ્યું છે. આ બધું સર્જન કઈ રીતે થવા પામ્યું, એ
