________________
ધર્માદિલ આનંદી ઊડ્યું. એમણે કહ્યું : બેટા, આમાં તેં તારા ht માટે શું માંગ્યું ? તારા સસરા મને પીઠબળ પૂરું પાડશે જ અને એથી કોટડી-મહાજનની સંમતિ પણ મળી જ જવાની ! પછી તો જીર્ણોદ્ધારનું કાર્ય પૂરું થતા કેટલીવાર લાગવાની ? આવો અમૂલ્ય લાભ મને અપાવવા બદલ તારો પણ ઉપકાર મારે માનવો જ રહ્યો. બોલ, હજી બીજી પણ કોઈ માંગણી છે ખરી? - જીર્ણોદ્ધારની માંગણી સ્વીકૃત થઈ ગયા બાદ કન્યાને મન બીજું કઈ જ માંગવા જેવું રહેતું નહોતું. વેવાઈપક્ષ અને સસરાપક્ષ પણ આનંદથી ઝૂમી ઊઠ્યો. વર્તમાનકાળમાં પણ ભૂતકાળને તાદશ ખડો કરી દેનારા આ જાતના “કરિયાવર'ની વાત વાયરે ચડીને ચોમેર પ્રસરી ગઈ. બંને પક્ષ સંમિલિત થઈને કોટડી-મહાજન સમક્ષ ઉપસ્થિત થયો, જિનમંદિરના જીર્ણોદ્ધારનો સંપૂર્ણ લાભ સ્વદ્રવ્યથી લેવાની ભાવના રજૂ કરીને મહાજનને આ માટે અનુજ્ઞા આપવાની વિનંતિ વેવાઈપલે રજૂ કરી. થોડાં વર્ષો પૂર્વે થયેલી વિચારણા-મંત્રણા વખતનું વાતાવરણ જાણે પળવારમાં જ પલટાઈ ગયું. બધી જ જવાબદારી મેરાઉના વતની રસિકભાઈ કોટડીના વતની મૂલચંદભાઈની સાખે સહર્ષ સ્વીકારી લેવા તૈયાર હતા, એથી હવે મહાજન માટે બીજું કંઈ જ વિચારવા જેવું ક્યાં કશું રહેતું હતું ? એથી મહાજને એક સૂરે જીર્ણોદ્ધારની “જય” લાવીને રસિકભાઈની ભાવનાને કંકુ-ચોખાથી વધાવી લીધી. - ટૂંક સમયમાં જ જિનાલયનાજીર્ણોદ્ધારનો પ્રારંભ થયો. જેમ જેમ નિર્માણકાર્ય પ્રગતિ સાધતું ગયું, એમ એમ રસિકભાઈના અંતરમાં પણ મનોરથોની મહેલાત ચણાતી ગઈ. એથી જીર્ણોદ્ધાર તો ભવ્ય થયો હતો, એમ પ્રતિષ્ઠા-પ્રસંગ પણ અતિભવ્ય ઉજવાયો. વિ.સં. ૨૦૬૭ પોષ વદ-૧ના મુહૂર્ત
જૈનશાસનના જ્યોતિર્ધરો ભાગ-૩
8 9 0
-
