________________
ઇચ્છી રહ્યા છે કે, આપણે મરાઠા અમદાવાદને લૂંટ્યા વિના જ ચાલ્યા જઈએ. આવી માંગણી કરનાર કોઈ શેઠિયો આજસુધી આપણને મળ્યો નથી. માટે આની સામે એવી કોઈ આકરી શરત આપણે મૂકીએ કે, એ જાતે જ અમદાવાદને અભય આપવાની માંગણી પાછી ખેંચી લે.
? જૈનશાસનના જ્યોતિર્ધરો ભાગ-૩
સેનાના નાયકે એક એવી શરત મૂકતા કહ્યું કે, શેઠ! તમારી માંગણી સ્વીકારવાની અમારી તૈયારી છે. પણ અઢી લાખ રોકડા રૂપિયાનો અમારી સમક્ષ ઢગલો કરવાની તમારી તૈયારી હોય તો! અમદાવાદને લૂંટીશું, તો આથીય વધુ સંપત્તિ અમારા હાથમાં આવશે, આમ છતાં જો અઢી લાખ રૂપિયા આપવાની તમારી તૈયારી હોય, તો અમે અબઘડી જ પાછા વળી જવા તૈયાર છીએ.
મરાઠાસેનાને એવો આકંઠ વિશ્વાસ હતો કે, આ ભલે નગરશેઠ રહ્યા, પણ નગર સુરક્ષિત રાખવા આટલી મોટી ૨કમ આ શેઠ જતી કરે, એવી તો શક્યતા જ ન ગણાય. જેથી આપણે મજેથી લક્ષ્મીની લૂંટ ચલાવી શકીશું. સેનાનાયકને આ વાતનો પાકો વિશ્વાસ હતો, ત્યાં તો નગરશેઠે કોઈ વાંધોવચકો વચ્ચે લાવ્યા વિના તરત જ ખણખણતા રૂપિયાથી ભરેલી થેલીઓ ત્યાં ખડકી દેતાં પૂછ્યું કે, હવે તો અમદાવાદને અભયતાનું દાન નક્કી ને ? લોકો ૬૪ ભલે તમને લૂંટારા તરીકે વગોવે. પણ તમારી પાસેથી આવું અભયદાન પામવા બદલ હું મારી જાતને ધન્ય ગણીશ. તમારી શરતને શિરોધાર્ય કરીને હું જાઉં છું. તમે વચનની વફાદારી જાળવવા આ ધરતી પરથી ચપટી ધૂળ પણ ચોર્યા વિના જ પાછા ફરી જશો, એવો વિશ્વાસ હોવાથી જતાં જતાં હું પાછું વળીને નજર પણ નહિ કરું.
