________________
ખસી જઈને ખૌરડાએ સંઘને સત્કાર્યો !
'
કાકા
છ જૈનશાસનના જ્યોતિર્ધરો ભાગ-૩
તીર્થયાત્રા ! અને એમાં પણ છ“રી'ના પાલનપૂર્વક કરાતી-કરાવાતી તીર્થ-સંઘયાત્રા ! આનો મહિમા તો જુગજુગથી પ્રતિષ્ઠિત છે. એથી નજીકના ભૂતકાળમાં તીર્થયાત્રાઓ અને યાત્રા-સંઘોનું આયોજન જેમ થતું રહેતું હતું, એમ વર્તમાનકાળમાં પણ સંઘયાત્રાની સરવાણી વહેતી જ રહી છે. એક દષ્ટિએ વિચારીએ, તો પૂર્વકાલીન આવાં આયોજનો ઝાઝા ઠાઠમાઠ વિના જ થતાં, તોય શાસનની શોભા વધારી જવા પૂર્વક અપૂર્વ લોકાદર પામતાં. ઘણા ઘણા ઠાઠમાઠ સાથેનાં આજનાં આયોજનો દ્વારા આ બે વાનાં કેટલા પ્રમાણમાં સિદ્ધ થતાં હશે, એ સણસણતો સવાલ છે, સવાલ જ નહિ, આને સમસ્યા પણ ગણી શકાય.
આ સવાલ અને સમસ્યાના કારણ-વારણમાં ઊંડા ઊતરીએ, તો સારાંશ રૂપે એટલું તથ્ય તો તારવી જ શકાય કે, આજે લગભગ શાસન પ્રભાવનાના નામે ઠાઠમાઠને પ્રધાનતા આપીને લખલૂટ લક્ષ્મી વેરવામાં આવતી હોય છે,
