________________
- ધનને નહિ પહેલી સલામ તો ધર્મને !
અર્થ અનર્થનું મૂળ હોવાથી અર્થની પ્રાપ્તિ માટે ક્યા ક્યા અને કેવા કેવા અનર્થોનો આશરો ન લેવાય, એ જ સવાલ ગણાય, એમ અર્જિત-અર્થના સહારે અનર્થની કેવી કેવી વણઝાર ન વહેતી થાય, એ પણ એટલો જ અણિયાળો પ્રશ્ન ગણાય. અનર્થોને આવકાર્યા બાદ અર્થપ્રાપ્તિ અને અર્થપ્રાપ્તિના આધારે અનર્થની પરંપરા! આ રીતે આગળપાછળ અનર્થનો ઘેરો હોવાથી જ “અર્થમનઈ માવય નિત્ય આવું સૂત્ર સમજાવીને જિનશાસને અર્થને જ અનર્થભૂત ગણાવ્યું છે. નીતિકારો હજી અનીતિને અનર્થ-પાપ ગણે છે, પણ નીતિપૂર્વકના અર્થને તો આવકાર જ આપતા હોય છે, જ્યારે જિનશાસન તો નીતિપૂર્વક કમાયેલાં આવાં નાણાંને પણ પરિગ્રહ નામના પાપમાં જ ખપાવે છે. પાયાની આ વાત સમજાઈ જાય પછી તો અનર્થમાત્રના મૂળસમા અર્થને જ સર્વસમર્થ ગણવાની ભીંત જેવી ભૂલ તો થાય જ કઈ રીતે ?
જૈનશાસનના જ્યોતિર્ધરો ભાગ-૩ @ જી
ન
